लासलगाव

औरंगाबादच्या युवतीचा खून करणारा तरुण लासलगावला जेरबंद

लासलगाव : प्रतिनिधी
औरंगाबाद येथे एकतर्फी प्रेमातून युवतीची हत्या करुन फरार झालेला शरण सिंग सविंदर सिंग शेटी (20) या संशयितास लासलगाव येथील गणेश नगर भागातून त्याच्या बहिणीच्या घरातून पोलीस अधीक्षक सचिन पाटील,अपर पोलीस अधीक्षक माधुरी कांगणे व लासलगावचे सहायक पोलिस निरीक्षक राहुल वाघ यांच्या पथकाने रविवारी दुपारी दोनच्या सुमारास जेरबंद करुन त्याला औरंगाबाद पोलिसाच्या ताब्यात देण्यात आले.
वेदांत नगर येथे शनिवारी सुखप्रीत कौर उर्फ कशिश प्रतिपाल ग्रंथी या कॉलेज युवतीचा एकतर्फी प्रेमातून शस्त्राने वार करून शरण सिंग सविंदर सिंग शेटी याने खून केला होता. याबाबत औरंगाबाद पोलीस आयुक्तलायातील वेदांत नगर पोलीस ठाण्यात फिर्याद शनिवारी दाखल झाली होती.या खुनानंतर शरण सिंग सविंदर सिंग शेटी हा फरार झाला होता. यासंशयिताचा शोध पोलिस यंत्रणा घेत होती.

याबाबत पोलीस आयुक्तलयातील वेदांतनगर पोलीस कार्यालयाचे पोलीस निरीक्षक सचिन सानप यांनी नाशिकचे नाशिक ग्रामीणचे पोलीस अधिक्षक सचिन पाटील यांना सदर संशयित आरोपी लासलगाव येथील त्याच्या बहिणीकडे आला असल्याची माहिती दिली होती.त्यानुसार खबर मिळताच गुप्तता पाळत तातडीने पोलीस अधीक्षक सचिन पाटील,अपर पोलिस अधीक्षक माधुरी कांगणे व लासलगावचे सहाय्यक पोलीस निरीक्षक राहुल वाघ ,पोलीस अंमलदार योगेश शिंदे, हवालदार संदीप शिंदे विजय बारगल यांच्या पथकाने रविवारी दुपारी दोन वाजेच्या सुमारास लासलगाव येथील श्री गणेश नगर मधील गणेश मंदिरामागे त्याच्या बहिणीच्या घरात छापा टाकून फरारी झालेल्या शरण सिंग सविंदर सिंग शेटी यास ताब्यात घेतले.तातडीने ही घटना औरंगाबाद पोलिसांना कळविताच औरंगाबाद पोलिसांचे पथक लासलगाव येथे दाखल झाले आणि संशयित आरोपीस ताब्यात घेतले.

 

Bhagwat Udavant

Recent Posts

अभिनेते मनोजकुमार यांचे निधन, मुंबईत घेतला अखेरचा श्वास

मुंबई: शोर, क्रांती, रोटी कपडा और मकान यासारख्या एकसे बढकर एक चित्रपटातून आपल्या अभिनयाचा ठसा…

12 hours ago

गोदावरीचे गटारीकरण तात्काळ थांबवा गोदावरी जतन व संवर्धन संघर्ष समितीचे निवेदन

गोदावरीचे गटारीकरण तात्काळ थांबवा गोदावरी जतन व संवर्धन संघर्ष समितीचे निवेदन नाशिक : प्रतिनिधी गोदावरीचे…

1 day ago

‘एसएमबीटी’त घडत आहेत संशोधक

नाशिक : प्रतिनिधी एसएमबीटी मेडिकल सायन्सेस अ‍ॅण्ड रिसर्च सेंटर, एसएमबीटी डेंटल कॉलेज संगमनेर, एसएमबीटी इन्स्टिट्यूट…

1 day ago

कुंभमेळा कक्षाची स्थापना, पण कर्मचार्‍यांची वानवा

नाशिक : प्रतिनिधी जिल्हाधिकारी कार्यालयात कुंभमेळा कक्षाची स्थापना करण्यात आली आहे. उपजिल्हाधिकारी भूसंपादन अधिकारी रवींद्र…

1 day ago

कांद्याचे निर्यात शुल्क कमी होऊनही दरात घसरण, शेतकर्‍यांत चिंता

कांद्याचे निर्यात शुल्क कमी होऊनही दरात घसरण, शेतकर्‍यांत चिंता सिन्नर : प्रतिनिधी केंद्र शासनाने कांद्यावरील…

1 day ago

कांद्याचे निर्यात शुल्क कमी होऊनही दरात घसरण, शेतकर्‍यांत चिंता

कांद्याचे निर्यात शुल्क कमी होऊनही दरात घसरण, शेतकर्‍यांत चिंता सिन्नर : प्रतिनिधी केंद्र शासनाने कांद्यावरील…

1 day ago