खिडकीतून उड्या मारत अनेकांनी वाचवला जीव

नांदूर नाका: वार्ताहर

चिंतामणी ट्रॅव्हल्सच्या बसला अपघातानंतर आग लागताच बस मध्ये हलकल्लोळ झाला, बसने पेट घेताच आग झपाट्याने सगळ्या बसमध्ये पसरली, पहाटेची वेळ असल्याने अनेक जण झोपेत होते, त्यामुळे झोपेतच त्यांना मृत्यूने गाठले, जे जागे होते त्यांनी आग भडकू लागताच बसच्या खिडकीतून उड्या मारत जीव वाचवला, या अपघातात 38 जण जखमी झाले असून, 3 जण गंभीर आहेत,

पोलीस आयुक्त, मनपा आयुक्त, पोलीस अधीक्षक घाटनास्थळी

अपघाताची माहिती मिळताच पोलीस आयुक्त जयंत नाईक नवरे, मनपा आयुक्त चंद्रकांत पुलकुंडवर, पोलीस अधीक्षक सचिन पाटील, उपायुक्त अमोल तांबे आदी सह अधिकारी घटनास्थळी दाखल झाले