सिडको : विशेष प्रतिनिधी
सातपूर-अंबड लिंकरोडवरील भोर टाउनशिपजवळील मोकळ्या जागेतील खड्ड्यात साचलेल्या पाण्यात बुडणाऱ्या चार शाळकरी मुलांपैकी एका ११ वर्षीय मुलाचा उपचारादरम्यान मृत्यू झाला. मृत मुलाचे नाव मयूर संजय भोंडवे असून तो जाधव संकुल परिसरात राहणारा होता.
बुधवारी दुपारी सुमारास ही घटना घडली. शाळा सुटल्यानंतर मयूर आपल्या तीन मित्रांसोबत घरी परतत असताना भोर टाउनशिपजवळील रस्त्यालगत असलेल्या पाण्याने भरलेल्या खड्ड्यात खेळण्यासाठी उतरला. मात्र पाण्याची खोली लक्षात न आल्याने चौघेही त्यात बुडू लागले. समोरच्या इमारतीतील काही नागरिकांनी ही घटना पाहून तत्काळ मदतीस धाव घेतली आणि चौघांनाही बाहेर काढले.
या वेळी नागरिकांनी दाखवलेली तत्परता आणि सतर्कतेमुळे तिघांचे प्राण वाचले. मात्र मयूरच्या नाका-तोंडात पाणी गेल्यामुळे त्याची प्रकृती अत्यवस्थ झाली. त्याला तातडीने खासगी रुग्णालयात नेण्यात आले. प्रकृती चिंताजनक असल्याने त्यानंतर जिल्हा रुग्णालयात हलवण्यात आले. मात्र रात्री ११ वाजेच्या सुमारास उपचारादरम्यान त्याचा मृत्यू झाला.
विडी कामगारनगर परिसरात अशाच प्रकारे तीन मुलांचा मृत्यू झाल्याची घटना ताजी असतानाच पुन्हा अशा प्रकारची दुर्घटना घडल्याने परिसरात हळहळ व्यक्त केली जात आहे. दरम्यान, रस्त्यालगत उघड्यावर असलेल्या मोठ्या खड्ड्यांकडे प्रशासनाचे सातत्याने दुर्लक्ष होत असल्यामुळे नागरिकांतून संताप व्यक्त केला जात आहे.
न्यायपालिकेचे स्वातंत्र्य आणि तिचे पावित्र्य हा कोणत्याही लोकशाहीचा मुख्य कणा असतो; परंतु अलीकडच्या काळात न्यायपालिकेतील…
मतदार याद्यांच्या सखोल पुनरीक्षण मोहिमेतील कथित अनियमितता आणि मतचोरीच्या आरोपांवरून मुख्य निवडणूक आयुक्त ज्ञानेश कुमार…
डॉ. कंचन लोकवाणी यांची अनोखी शक्तिउपासना ♣ ‘नवदुर्गा’ ♣ नाशिकरोड : अनिल गुंजाळ नवरात्र सुरू…
वॉटरग्रेसचा ठेका रद्दची मागणी नाशिक : प्रतिनिधी वॉटरग्रेस कंपनीने सुमारे दोनशे सफाई कामगारांना काढून टाकले…
नाशिक : प्रतिनिधी नवरात्रोत्सवाच्या उत्साहात नाशिक शहरात सध्या रास गरब्याची रंगत पाहायला मिळत आहे. पारंपरिक…
महापौर हिमगौरी आडके : रामकाल पथसह महत्त्वाच्या विकासावर चर्चा नाशिक : प्रतिनिधी स्वित्झर्लंड मधील जीनिव्हा…