‘लाडकी बहीण’ला धक्का नाही : मुख्यमंत्री फडणवीस
मुंबई : प्रतिनिधी
राज्यात दुष्काळाचे सावट आणि तिजोरीवरचा वाढता ताण लक्षात घेता मुख्यमंत्री देवेंद्र फडणवीस यांनी सर्व सरकारी विभागांना खर्चात तब्बल 20 टक्के कपात करण्याचे आदेश दिले आहेत. शेतकरी कर्जमाफी आणि ’लाडकी बहीण’ योजनेला मात्र या कपातीचा धक्का लागणार नाही. याशिवाय, शिक्षण-शिष्यवृत्ती, शालेय पोषण आहार आणि सार्वजनिक आरोग्य या कपातीतून वगळण्यात आले आहेत.
अल् निनोच्या प्रभावामुळे राज्यात यंदा सरासरीपेक्षा कमी पाऊस झाला असून, अनेक भागात कोरड्या दुष्काळाची परिस्थिती आहे. वित्त विभागाने सर्व सचिवांची बैठक घेऊन राज्याच्या आर्थिक स्थितीची कल्पना दिली. जागतिक आर्थिक मंदी आणि शिक्षण, आरोग्य, कर्जमाफी सुरक्षित
खर्चाला कात्री लावताना सरकारने सर्वसामान्यांशी संबंधित कल्याणकारी योजनांना मात्र पूर्णपणे वगळले आहे. यामुळे अफवांना पूर्णविराम मिळाला आहे. मुख्यमंत्री फडणवीस यांनी स्पष्ट केले की, पुढील योजनांच्या निधीत कोणतीही कपात केली जाणार नाही. मुख्यमंत्री माझी लाडकी बहीण योजना- दरमहा 1,500 रुपयांचा हप्ता सुरूच राहणार आहे. शिक्षण- शिष्यवृत्ती, शालेय पोषण आहार तसेच सार्वजनिक आरोग्य आणि शेतकरी कर्जमाफी योजनेला कपातीतून संरक्षण देण्यात आले आहे. विरोधकांकडून लाडकी बहीण योजनेचा निधी इतरत्र वळवला जात असल्याचा आरोप होत असतानाच सरकारने या योजनेला सर्वोच्च प्राधान्य दिले आहे.
Orders issued for a 20 percent cut in government expenditure