पिकअप व मोटारसायकलचा अपघात एक ठार चार गंभीर जखमी

लासलगाव : प्रतिनिधी

देवगाव फाटा ते नैताळे रस्त्यावर रुई शिवारात शनिवारी दुपारी तीन वाजेच्या सुमारास पीकअप गाडी व मोटारसायकल यांच्यात झालेल्या अपघातात एक जण ठार झाला तर चार जण गंभीर झाले.जखमींमध्ये दोन लहान बालकांचा समावेश असून जखमींवर जिल्हा शासकीय रुग्णालयात उपचार सुरू आहे.

या बाबत पोलिस सूत्रांकडून मिळालेल्या माहितीनुसार देवगाव फाटा ते नैताळे रोडवर रुई शिवारात महिंद्रा पिक अप गाडी क्रमांक एम एच १५ ए यु २११९ ही देवगाव कडून रुई गावाकडे जात असताना त्याच दरम्यान रुई गावकडून देवगाव कडे येणारी टीव्हीएस कंपनीची स्टार मोटर सायकल क्रमांक एम एच १५ सीए ५९४६ यांच्यात जोरदार धडक होऊन अपघात झाला.

या अपघातात मोटर सायकल वरील सोमनाथ वाळू पिंपळे वय ३८ मुळ रा.वळदगाव ता.येवला हल्ली रा.कतवारे वस्ती भरवस फाटा,सार्थक विष्णू पवार वय ५ रा.माळसाकोरे तालुका निफाड हल्ली रा देवगाव,गौरव बंडू पिठे वय ५ राहणार ओतूर ता.कळवण,वाळ्याबाई बंडू पिठे वय ३० रा.ओतूर ता.कळवण हे गंभीर जखमी झाल्याने त्यांना उपजिल्हा रुग्णालय निफाड यांच्या मार्फत पुढील उपचारासाठी नाशिक जिल्हा शासकीय रुग्णालयात दाखल केले असता उपचारा दरम्यान सोमनाथ वाळू पिंपळे हा मयत झाला असून इतर जण गंभीर जखमी आहे.सार्थक विष्णू पवार वय ५ याच्यावर खाजगी रुग्णालयात व गौरव बंडू पिठे वय ५ याच्यावर नाशिक जिल्हा शासकीय रुग्णालयात उपचार सुरु आहे.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.