सिडको : विशेष प्रतिनिधी
उपनगर पोलीस ठाण्याच्या हद्दीतील भीमनगर येथील एका कोचिंग चालवणार्‍या महिलेच्या घरात घुसून चक्क कुलूप तोडून अतिक्रमण करत सुमारे 2 लाख 61 हजार रुपयांचा ऐवज चोरून नेल्याचा प्रकार उघडकीस आला आहे. या प्रकरणी उपनगर पोलीस ठाण्यात गुन्हा नोंदवण्यात आला आहे.
याबाबत फिर्यादी सुप्रिया साहेबराव आहिरे (वय 32, रा. फ्लॅट नं. 09, योगेश्वर अपार्टमेंट, भीमनगर, नाशिकरोड) ही महिला खासगी कोचिंग क्लास चालवत आहेत. फिर्यादी आहिरे यांनी दिलेल्या तक्रारीनुसार संशयित आरोपी विनोद पवार, प्रणय पगारे, अरुण पगारे व श्रुतिका पगारे यांनी घरात घुसून वरील सर्व सामान बेकायदेशीरपणे चोरून नेले.
चोरीस गेलेल्या मालामध्ये विविध इलेक्ट्रॉनिक वस्तू, मोबाइल फोन, कपाटातील कपडे, 85,000 रुपयांची रोख रक्कम, सोन्याचे दागिने (पेंडल्स, चेन, अंगठ्या) व अन्य घरगुती वस्तूंचा समावेश आहे. याशिवाय एमपीएससी व यूपीएससीसाठी आवश्यक असलेली पुस्तके आणि महत्त्वाची कागदपत्रेही चोरून नेण्यात आली आहेत. या गंभीर घटनेनंतर पोलीस ठाण्यात तक्रार दाखल करण्यात आली असून, पुढील तपास उपनगर पोलीस ठाण्याचे वरिष्ठ पोलिस निरीक्षक जितेंद्र सपकाळे यांच्या मार्गदर्शनाखाली सुरू आहे. दरम्यान, नाशिकरोड परिसरात चोरी व जबरदस्तीच्या घटनांमध्ये वाढ होत असल्याने स्थानिकांमध्ये चिंतेचे वातावरण आहे. पोलिसांनी तत्काळ कठोर कारवाई करावी, अशी मागणी नागरिकांकडून केली जात आहे.
न्यायपालिकेचे स्वातंत्र्य आणि तिचे पावित्र्य हा कोणत्याही लोकशाहीचा मुख्य कणा असतो; परंतु अलीकडच्या काळात न्यायपालिकेतील…
मतदार याद्यांच्या सखोल पुनरीक्षण मोहिमेतील कथित अनियमितता आणि मतचोरीच्या आरोपांवरून मुख्य निवडणूक आयुक्त ज्ञानेश कुमार…
डॉ. कंचन लोकवाणी यांची अनोखी शक्तिउपासना ♣ ‘नवदुर्गा’ ♣ नाशिकरोड : अनिल गुंजाळ नवरात्र सुरू…
वॉटरग्रेसचा ठेका रद्दची मागणी नाशिक : प्रतिनिधी वॉटरग्रेस कंपनीने सुमारे दोनशे सफाई कामगारांना काढून टाकले…
नाशिक : प्रतिनिधी नवरात्रोत्सवाच्या उत्साहात नाशिक शहरात सध्या रास गरब्याची रंगत पाहायला मिळत आहे. पारंपरिक…
महापौर हिमगौरी आडके : रामकाल पथसह महत्त्वाच्या विकासावर चर्चा नाशिक : प्रतिनिधी स्वित्झर्लंड मधील जीनिव्हा…