निफाड कोळगाव येथे अवैध दारूविक्री अड्ड्यावर छापा

कोळगाव येथे अवैध दारूविक्री अड्ड्यावर छापा

लासलगाव प्रतिनिधी

निफाड तालुक्यातील कोळगाव येथे अवैध दारूची विक्री करणाऱ्या अड्ड्यावर पोलीसांनी छापा टाकून मुद्देमाल हस्तगत केला असून विनापरवाना अवैध रित्या देशी,विदेशी दारू विक्री करणाऱ्या महिलेच्या विरोधात लासलगाव पोलिस ठाण्यात गुन्हा दाखल करण्यात आला असल्याची माहिती स पो नि राहुल वाघ यांनी दिली आहे.या कारवाईत सुमारे सात हजार रुपयांचा देशी विदेशी दारूचा साठा पोलिसांच्या हाती लागला आहे.पुष्पा रामदास मोरे (४७) राजवाडा कोळगाव ता निफाड असे गुन्हा दाखल करण्यात आलेल्या संशयित मद्यविक्री करणाऱ्या महिलांचे नाव आहे.

जिल्ह्यातील अवैध धंदे रोखण्यासाठी पोलिस अधिक्षक शहाजी उमाप यांनी विभागनिहाय आठ स्वतंत्र भरारी पथकांची नियुक्ती केली आहे या पथकांच्या माध्यमातून जिल्हाभर छापा सत्र सुरू आहे.नाशिक विभागाचे उपनिरीक्षक मनोज वाघमारे यांच्या नेतृत्वाखाली असलेल्या पथकाला खबऱ्याकडून मिळालेल्या माहितीच्या आधारे कोळगाव येथे सदर छापा टाकून कारवाई करण्यात आली आहे.

Devyani Sonar

देवयानी सोनार या 2018 पासून पत्रकारितेत कार्यरत आहेत. दैनिक पुढारी मधून त्यांनी पत्रकारिता सुरू केली, सध्या त्या दैनिक गांवकरी मध्ये उपसंपादक तसेच ऑनलाइन कंटेंट क्रीएटर म्हणून कार्यरत आहेत. आरोग्य, शैक्षणिक तसेच जिल्हा परिषद , सामाजिक विषयावर त्यांनी विपुल लेखन केलेले आहे. बीकॉम तसेच एम ए अर्थ शास्त्र यात पदयुत्तर पदवी मिळवली आहे. पत्रकारितेत अनेक पुरस्कार त्यांना मिळालेले आहेत.