लासलगाव अवैध दारू विक्री अड्ड्यावर पोलिसांचा छापा

अवैध दारू विक्री अड्ड्यावर पोलिसांचा छापा

लासलगाव प्रतिनिधी

लासलगाव शहरातील संजय नगर परिसरातील अवैध दारूविक्री अड्ड्यावर छापा टाकून मुद्देमाल हस्तगत करण्यात आला असून विनापरवाना अवैध रित्या दारू विक्री करणाऱ्या महिलेच्या विरोधात लासलगाव पोलिस ठाण्यात गुन्हा दाखल करण्यात आला असल्याची माहिती स पो नि राहुल वाघ यांनी दिली आहे.

या बाबत पोलिस सूत्रांकडून मिळालेल्या माहिती नुसार लासलगाव पोलिस ठाण्याचे
महिला पोलिस कर्मचारी उषा त्र्यंबक आहेर यांनी दिलेल्या फिर्यादीवरून आरोपी फरीदा रहीम शेख वय ४० वर्ष,रा.संजयनगर लासलगाव ता.निफाड ही महिला संजय नगर परिसरात सार्वजनिक शौचालयाचे आडोशाला अवैध रित्या दारू विक्री करत असल्याची माहिती लासलगाव पोलिसांना मिळाली त्या वरून शनिवारी दुपारी पोलिस पथकाने त्या ठिकाणी छापा टाकून १४०० रुपये किमतीच्या अवैध दारूच्या बाटल्या हस्तगत केल्या असून सदर महिलेवर बेकायदेशीर रित्या अवैध दारू विक्री करणे अंतर्गत गुन्हा दाखल करण्यात आला आहे.सदर कारवाई स पो नि राहुल वाघ यांच्या मार्गदर्शनाखाली महीला पोलिस कर्मचारी उषा आहेर,पो कॉ प्रदीप अजगे,पो ना.कैलास महाजन,सुजय बारगळ,सागर आरोटे यांनी केली आहे

Devyani Sonar

देवयानी सोनार या 2018 पासून पत्रकारितेत कार्यरत आहेत. दैनिक पुढारी मधून त्यांनी पत्रकारिता सुरू केली, सध्या त्या दैनिक गांवकरी मध्ये उपसंपादक तसेच ऑनलाइन कंटेंट क्रीएटर म्हणून कार्यरत आहेत. आरोग्य, शैक्षणिक तसेच जिल्हा परिषद , सामाजिक विषयावर त्यांनी विपुल लेखन केलेले आहे. बीकॉम तसेच एम ए अर्थ शास्त्र यात पदयुत्तर पदवी मिळवली आहे. पत्रकारितेत अनेक पुरस्कार त्यांना मिळालेले आहेत.