आठवणीतला चहा..पुन्हा एकदा बनविणार ‘नॉस्टॅल्जिक’

नाशिक : प्रतिनिधी

चहा हा माणसाच्या जीवनातला अविभाज्य घटक आहे. त्याच्याभोवती अनेक आठवणी पेरून ठेवलेल्या असतात. चहा घेतानाच अनेकांची मैत्री जमलेली असते, तर चहा घेतानाच अनेकांची भांडणेही झालेली असतात. कॉलेज लाइफमध्ये तर हा चहा म्हणजेच सर्वस्व असतो. त्याच्याशी अनेक भावना निगडित असतात. याच आठवणींना उजाळा देण्यासाठी कोरोनामुळे तब्बल 3 वर्षांनतर पुन्हा एकदा जनस्थान व 11.30 सलीम व्हॉट्सऍप ग्रुपतर्फे ‘आठवणीतला चहा’ या कार्यक्रमाचे आयोजन करण्यात आले आहे.

ठाकरे गटाला पुन्हा खिंडार

कॉलेजजीवन म्हटले की अनेकांना आठवते ती सलीम मामूची चहाची टपरी. अनेकजण या टपरीवर चहाचा आस्वाद घेत गप्पांबरोबर कडू-गोड आठवणी शेअर करत होते. मग त्या प्रेमाच्या गोष्टी असो अथवा राजकीय, अनेकांनी या सलीमच्या चहाच्या आस्वादाने आपली स्वप्ने रंगवली आणि त्यात यशस्वी झाले. काहीजण अजूनही वाटचाल करीत आहेत.

बांधकाम व्यावसायिकांना गरज लागल्यास स्वामीह फंडतातून मदत

याच आठवणींना उजाळा देण्यासाठी शनिवार 24 डिसेंबर रोजी सकाळी 8 ते 12 या वेळेत नाशिकमधील कलावंतांच्या आणि या चहा कट्‌ट्यावरच्या व्हॉट्‌सऍप ग्रुपतर्फे हे आयोजन करण्यात आले आहे.
सगळ्या मित्र-मैत्रिणींसोबत आठवणीचा चहा घेण्यासाठी सकाळी 8 ते 12 या वेळेत विनामूल्य चहा देण्यात येणार असून, उपस्थित राहावे, असे आवाहन जनस्थान ग्रुपचे मुख्य अभय ओझरकर व 11.30 सलीम व्हॉट्सऍप ग्रुपचे प्रसाद गर्भे यांनी केले आहे.

नाशिकमध्ये घर घेण्याची इच्छा

रवी जन्नावार, नंदन दीक्षित हे हा कार्यक्रम यशस्वी करण्यात प्रयत्नशील आहेत. या कार्यक्रमाची संकल्पना आर. जे. भूषण मटकरी यांची असून, या आठवणीतल्या चहासाठी रिदम साउंड, लाईट्स व इव्हेंट्स, गोदा श्रद्धा फाउंडेशन व द बलून.इन यांचे विशेष सहकार्य लाभले आहे.

Devyani Sonar

देवयानी सोनार या 2018 पासून पत्रकारितेत कार्यरत आहेत. दैनिक पुढारी मधून त्यांनी पत्रकारिता सुरू केली, सध्या त्या दैनिक गांवकरी मध्ये उपसंपादक तसेच ऑनलाइन कंटेंट क्रीएटर म्हणून कार्यरत आहेत. आरोग्य, शैक्षणिक तसेच जिल्हा परिषद , सामाजिक विषयावर त्यांनी विपुल लेखन केलेले आहे. बीकॉम तसेच एम ए अर्थ शास्त्र यात पदयुत्तर पदवी मिळवली आहे. पत्रकारितेत अनेक पुरस्कार त्यांना मिळालेले आहेत.