खासदार संजय राऊत यांना 3 दिवसांची ईडी कोठडी
मुंबई : पत्राचाळ प्रकरणी ईडीने अटक केलेल्या खासदार संजय राऊत यांना आज ईडीने 3 दिवसांची ईडी कोठडी सुनावली. 4 ऑगस्टपर्यंत त्यांना कोठडी सुनावण्यात आली. संजय राऊत यांची तब्बल सतरा तास चौकशी केल्यानंतर ईडीने त्यांना काल मध्यरात्री अटक केली होती. आज सकाळी राऊत यांना जे.जे. रुग्णालयात तपासणीसाठी नेण्यात आले होते. त्यांनंतर त्यांना विशेष पीएमएलए कोर्टात हजर केल्यानंतर ईडीच्या वकिलांनी कोर्टात जोरदार युक्तिवाद केला. संजय राऊत यांच्या खात्यात प्रवीण राऊत यांनी एक कोटी सहा लाख रुपये संजय राऊत यांच्या नावावर ट्रान्झंक्शन झाले. या पैशांतून संजय राऊत यांनी मालमत्ता खरेदी केल्या. संजय राऊत यांना दर महिन्याला प्रवीण राऊत यांच्याकडून दोन लाख रुपये दिले जात होते. 1 कोटी 20 लाखात अलिबागमधील जमीन खरेदी केली.प्रवीण राऊत हा फक्त फ्रन्ट मॅन आहे. सर्व घोटाळा संजय राऊत यांनी केला आहे. असा दावा ईडीच्या वकिलांनी केला. या सर्व प्रकरणाची चौकशी करण्यासाठी संजय राऊत यांना आठ दिवसांची ईडी कोठडीची मागणी करण्यात आली. राऊत यांचे वकिल अशोक मुंदरगी यांनी संजय राऊत यांची बाजू मांडताना राजकीय सुडापोटी अटक केली. राज्यातील सत्ता बदलल्यामुळे राऊत यांच्यावर कारवाई करण्यात आली. रोख रकमेचा व्यवहार झाला असला तरी त्याचा तपास आता कसा करणार? आणि राऊत हे तपासाला सहकार्य करीत आहेत. त्यामुळे कमीत कमी कोठडी द्यावी. संजय राऊत यांना हदयविकाराचा त्रास आहे. राऊत कोठडीत असताना त्यांना वकिलांशी सल्लामसलत करण्याची परवानगी देण्यात यावी. अशी मागणी राऊत यांच्या वकिलांनी केली. या सर्व मागण्या न्यायालयाने मान्य करुन त्यांना घरचे जेवण, औषधे देण्याची परवानगी दिली.
दोन्ही बाजुंचा युक्तीवाद ऐकल्यानंतर न्यायाधीश देशपांडे यांनी राऊत यांना 3 दिवसांची ईडी कोठडी दिली.
दारूच्या नशेत पतीने पत्नीला पेटवले महिला गंभीर जखमी; सातपूरची घटना सातपूर : प्रतिनिधी सातपूर नाशिक…
स्वयंपाक करत असताना गॅस शेगडीवरील काच फुटली, गृहिणी बालंबाल बचावली सिडको : विशेष प्रतिनिधी चुंचाळे…
नांदगाव चाळीसगाव रस्त्यावर कार दुचाकी अपघातात पती-पत्नी ठार ; दोन जण गंभीर जखमी मनमाड :आमिन…
बलात्काराच्या घटनेने नाशिक हादरले पतीला जामीन मिळवून देण्याचा बहाणा करून युवतीवर अत्याचार नाशिक :प्रतिनिधी…
विशेष पोलीस महानिरीक्षक दत्तात्रय कराळे यांना राष्ट्रपती पदक नाशिक: प्रतिनिधी प्रजासत्ताक दिनाच्या पार्श्वभूमीवर राष्ट्रपती पदक…
संजय दराडेंच्या रूपाने मखमलाबादच्या शिरपेचात तुरा " मखमलाबादचे भूमिपुत्र संजय दराडे यांना गुणवंत सेवेसाठी राष्ट्रपती…