Categories: महाराष्ट्र

कुटुंबास मारण्याची धमकी देऊन विवाहितेवर तब्बल दोन वर्षे लैंगिक अत्याचार

नाशिक: प्रतिनिधी
सव्वीस वर्षीय विवाहितेवर संशयिताने लैंगिक अत्याचार करुन कुटुंबास ठार करण्याची धमकी दिली. याबाबत २६ वर्षीय महिलेने आडगाव पाेलीस ठाण्यात दिलेल्या तक्रारीनुसार गुन्हा दाखल करण्यात आला आहे.
आमाेद सुभाष बुद्धीसागर (वय ४०, रा. पत्त्याचा उल्लेख नाही) असे संशयिताचे नाव आहे. त्याचा शाेध पाेलीसांनी सुरु केला आहे. पीडितेच्या फिर्यादीनुसार ती, आडगाव पाेलीसांच्या हद्दीतील नांदूर नाका भागात राहते. तिचा काही वर्षांपूर्वी विवाह झाला असून दाेन वर्षांपूर्वी पीडितेचा पती तिला साेडून गेला. ती दाेन अपत्यांसह राहत असतांना काही महिन्यांपूर्वी तिची ओळख संशयित बुद्धीसागर याच्याशी झाली. त्यानंतर १ ऑगस्ट २०२२ ते २० एप्रिल २०२४ या कालावधीत दाेघे लिव्ह इन रिलेशनशिपमध्ये राहू लागले. वरील कालावधीत दाेघे साेबत राहत असतांना बुध्दीसागर याने पीडितेवर नांदूरनाका व त्रिमूर्ती चाैक भागातील घरांत लैंगिक व अनैसर्गिक अत्याचार केले. दरम्यान, काही दिवसांपासून पीडितेने बुद्धीसागर याच्यासाेबत राहण्यास नकार दिला. त्यामुळे दाेघांत खटके उडाले. त्यानंतर पीडितेने आडगाव पाेलीस ठाणे गाठून ‘कुठे या प्रकाराची वाच्यता केलीस तर तुझ्या कुटुंबास जीवे ठार मारेन’ अशी धमकी दिली, अशी फिर्याद नाेंदविली.
—

Bhagwat Udavant

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.