शहापूरजवळ क्रेन कोसळून १७ जणांचा मृत्यू तर ३ जखमी

शहापूरजवळ क्रेन कोसळून १७ मृत्यू तर ३ जखमी

शहापूर:  अफजल पठाण

शहापूर जवळ क्रेन कोसळून मंगळवारी मध्यरात्रीच्या सुमारास भीषण अपघात होऊन १७ जण मृत तर ३  जण जखमी झाल्याची घटना घडली. शहापूरजवळ समृध्दी महामार्गाचे काम सुरू असता या ठिकाणी क्रेन कोसळून दुर्दैवाने १७ कामगार मृत्युमुखी तर ३ कामगार जखमी झाले असून त्यांच्यावर ठाणे येथील रुग्णालयात उपचार सुरू आहे. सिंगापूर एस एन कंपनीचे हे लॉन आहे. याच लॉन च्या माध्यामतून आतापर्यंत ९४ पुलाचे काम पूर्ण करण्यात असून १६ स्पेन चे काम बाकी आहे. रूटीन नुसार सुरू होते.
—————————-

रात्री एक वाजता फोन आला. त्यानुसार तातडीने निघालो. अपघातातील जखमींना शहापूर आणि ठाण्याच्या हॉस्पिटलला दाखल केले आहे. त्यांची प्रकृती स्थिर आहे. मृत्यूतांचे पार्थिव त्यांच्या गावी पाठविण्याचे काम केले जाईल. सर्व यंत्रणा काम करत आहेत, सर्व वरिष्ठ अधिकारी घटनास्थळी आहेत. शोध कार्य अजूनही सुरू आहे. ही एक तांत्रिक दुर्घटना असून रस्त्यावरच्या अपघाताचा यात काही संबंध नाही. समृध्दी महामार्गावरील जे अपघात आहेत त्याबाबत सभागृहात सविस्तर चर्चा झालेली आहे. त्या अपघातातील जे शोध घेतले त्यात मानवी चुकांमुळे अपघात झालेले आहेत. मात्र त्या अपघातांना या सोबत जोडू नये. हा तांत्रिक अपघात असला तरी देखील याची चौकशी करण्यात येईल.

दादा भुसे, मंत्री