शिंदे गटानेही लिहून घेतले समर्थनपत्र !

Mumbai: Shiv Sena chief Uddhav Thackeray (R) and State PWD minister Eknath Shinde during a press conference in Mumbai on Saturday. PTI Photo by Mitesh Bhuvad(PTI7_15_2017_000089B)

यवतमाळ :

शिवसेनेत आमदारांचे बंड झाल्यानंतर पक्षप्रमुख उद्धव ठाकरे यांच्या निर्देशाप्रमाणे आमदार व शिवसैनिकांकडून पक्षाशी एकनिष्ठ राहण्याचे शपथपत्र भरून घेतले गेले . त्याच धर्तीवर आता शिंदे गटाचे आमदार संजय राठोड यांच्या समर्थकांकडून काल ‘ समर्थनपत्र ‘ लिहून घेण्यात आले . राठोड समर्थकांच्या शनिवारी यवतमाळात झालेल्या बैठकीत साध्या कागदावर समर्थकांच्या स्वाक्षरी घेण्यात आल्या . संजय राठोड यांच्यासोबत असलेल्या जिल्ह्यातील शिवसेना पदाधिकारी व शिवसैनिकांची बैठक शिंदे गटाचे ठाण्याचे नगरसेवक राजेंद्र फाटक यांच्या उपस्थितीत काल शनिवारी यवतमाळ येथे पार पडली . यावेळी फाटक म्हणाले , लोकशाहीमध्ये जिकडे बहुमत तिकडे निवडणूक चिन्ह असे संकेत आहेत . त्यामुळे ‘ धनुष्यबाण ‘ हे चिन्ह शिंदे गटाकडेच राहणार असून , याच चिन्हावर येणारी नगर परिषद , नगरपंचायत , जिल्हा परिषद , पंचायत समिती निवडणूक लढणार आहोत . संजय राठोड यांच्यासोबत जिल्ह्यातील किती पदाधिकारी , लोकप्रतिनिधी आहेत , याची चाचपणी करण्यासाठी नगरसेवक राजेंद्र फाटक काल यवतमाळात दाखल झाले होते . या चाचपणीनंतर शिवसेनेची विद्यमान जिल्हा कार्यकारिणी बरखास्त करून शिंदे समर्थकांमधूनच नवीन कार्यकारिणी घोषित होणार असल्याचे फाटक यांनी सांगितले

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.