नाशकात ठाकरे गटाला खिंडार?

नाशिक : प्रतिनिधी
नाशिक शिवसेना उद्धव ठाकरे गटाचे तब्बल 17 माजी नगरसेवक शिंदे गटात प्रवेश करण्यासाठी मुंबईकडे रवाना झाल्याचे समजते आहे. नुकतेच नाशकात येऊन गेलेले खा. संजय राऊत यांनी ठाकरे गटात कोणतीही फूट अथवा बंड होणार नसल्याचा दावा केला होता. मात्र त्यांचा हा दावा फोल ठरण्याची शक्यता आहे. मुंबई येथे मुख्यमंत्री एकनाथ शिंदे यांच्या उपस्थित हे प्रवेश होणार असल्याचे बोलले जातेय. एकाच वेळी एवढे प्रवेश झाल्यास याचा मोठा फटका ठाकरे गटाला बसेल. शिंदे गटात हे प्रवेश होणार असल्याचे शिंदे गटाचे महानगर प्रमुख प्रवीण तिदमे यांनी यास दुजोरा दिला आहे

Bhagwat Udavant

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.