तलवारीचा नंगानाच करून दहशत पसरविणाऱ्या
स्वयंघोषित भाईच्या पंटरच्या आवळल्या मुसक्या :
म्हसरूळ गुन्हे शोध पथकाची कामगिरी
पंचवटी : वार्ताहर
म्हसरूळ गावातील पान टपरीवर राडा करून दहशत पसरविणाऱ्या स्वयंघोषित भाईच्या दोन पंटरांच्या मुसक्या आवळण्यात म्हसरूळ पोलीस ठाण्याच्या गुन्हे शोध पथकास यश मिळाले आहे. या संशयितांकडून दोन तलवारी, एक दुचाकी हस्तगत करण्यात आली आहे. या प्रकरणी म्हसरूळ पोलीस ठाण्यात गुन्हा दाखल करण्यात आला असून अधिक तपास पोलीस करत आहेत.
म्हसरूळ येथील बस स्टॉप येथे भूषण देशमुख (वय ३१, मार्गारेट टॉवर, कॅनडा कॉर्नर, शरणपूर रोड) यांचे गणेश पान स्टॉल आहे. मंगळवारी ता.२५ रोजी सायंकाळी सहा वाजता भुषणचा भाऊ पान स्टॉलवर असताना युवराज सोनवणे नामक व्यक्तीच्या नावाने तीन चार तंबाखू च्या पुड्या मागितल्या होत्या. त्यावेळी हर्षल याने बाहेर असलेला भाऊ भूषण यास फोन करून याबाबत सांगितले, यावर चिडून चार पुड्या नाही पुडा च दे असा बोलला. रात्री आठ वाजता भूषण देशमुख हा स्वतः पान स्टॉलवर असताना दोन संशयितांनी तलवारी घेऊन दहशत निर्माण करत काऊंटरवर आपटली आणि तु बाहेर ये तुझा गेम करून टाकतो, युवराज भाईला शिव्या देतो असे म्हणत पान स्टॉलचे नुकसान करून फरार झाले होते. या घटनेची माहिती मिळताच म्हसरूळ गुन्हे शोध पथकाने घटनास्थळी धाव घेतली. या ठिकाणी असलेले सीसीटीव्ही फुटेज ताब्यात घेतले. तांत्रिक विश्लेषण विभागाच्या मदतीने या घटनेतील दोन्ही संशयित तवली फाटा येथे लपून असल्याची माहिती मिळाली. त्या अनुषंगाने म्हसरूळ ठाण्याचे वरिष्ठ पोलीस निरीक्षक सुभाष ढवळे यांच्या मार्गदर्शनाखाली सापळा रचून संशयित वैभव रामचंद्र शेवरे (वय २२ ), व सिध्दार्थ उर्फ सिध्दू पुंजाराम वाघ (वय २२) दोघे रा. म्हसोबावाडी, दिंडोरीरोड, म्हसरूळ, नाशिक यांना ताब्यात घेण्यात आले.
सदरची कारवाई पोलीस आयुक्त संदिप कर्णिक, परिमंडळ एकचे पोलीस उपायुक्त किरणकुमार चव्हाण पंचवटी विभागाचे सहायक पोलीस आयुक्त नितीन जाधव मार्गदर्शनाखाली म्हसरूळ पोलीस ठाण्याचे वरिष्ठ पोलीस निरीक्षक सुभाष ढवळे, पोलीस उपनिरीक्षक दिपक पटारे, उध्दव हाके, पोलीस हवालदार बाळासाहेब मुर्तडक, सतिष वसावे, कविश्वर खराटे, देवराम चव्हाण, प्रशांत वालझाडे, पोलिस अंमलदार प्रशांत देवरे, गिरीधर भुसारे, गुणवंत गायकवाड, पंकज महाले यांनी केली आहे.
कांदा प्रश्नासाठी शेतकऱ्यांचे दिल्लीत कांद्याच्या माळा घालून अर्ध नग्न आंदोलन स्वतंत्र भारत पक्षाचा आंदोलकांना पाठिंबा…
शॉपिंग सेंटरजवळ झोपलेल्या व्यक्तीचा वाहनाखाली चिरडून मृत्यू सिडको : दिलीपराज सोनार जुने सिडको परिसरातील शॉपिंग…
लाडकी बहीण योजनेच्या केवायसीला स्थगिती लाडक्या बहिणींना मोठा दिलासा मुंबई: राज्य सरकारकडून लाडकी बहीण योजनेचा…
राधाकृष्णनगरमध्ये परप्रातीय स्वयंघोषित भाईचा राडा गल्लीतील नागरिकांना कापून टाकण्याची धमकी देत दहशत सातपूर : सातपूर…
जिल्हा रुग्णालयात अपघातग्रस्त रुग्णांना दाखल करण्यास नकार — छावा क्रांतीवीर सेनेकडून रुग्णालय प्रशासनाचा तीव्र निषेध!…
सिडको : विशेष प्रतिनिधी वृद्धेच्या घरी जाऊन चाकूचा धाक दाखवून जिवे मारण्याची धमकी देत तिच्याकडून…