सिन्नर भाजपा प्रभारी आव्हाड यांची तरुणीस अश्लील शिवीगाळ
सुषमा अंधारे यांनी पोस्ट केला व्हीडिओ
नाशिक : प्रतिनिधी
सिन्नर तालुका भाजपचे प्रभारी जयंत आव्हाड यांनी तरुणीस अश्लील व अर्वाच्य भाषेत शिवीगाळ केल्याचा एक व्हिडिओ शिवसेना ठाकरे गटाच्या नेत्या सुषमा अंधारे यांनी सोशल मीडियावर पोस्ट केला आहे. या व्हिडिओनंतर सोशल मीडियावर संतप्त प्रतिक्रिया व्यक्त होत आहेत, हेच का भाजपचे संस्कार अशा प्रतिक्रिया नेटकरी यांनी दिल्या आहेत.
दरम्यान, याप्रकरणी जयंत आव्हाड यांनीही सिन्नर पोलीस ठाण्यात संबंधित तरुणीविरुद्ध तक्रार अर्ज दिला आहे.
व्हिडिओ पोस्ट करतांना अंधारे यांनी म्हटले आहे की, संस्कार बघा भाजपाचे.. कष्टकरी मायमाऊली कार्यालयात झाडलोट, फरशी कामाचा दीड महिन्याचा पगार मागण्यासाठी गेली असता सिन्नरचा भाजप प्रभारी जयंत आव्हाडने त्या तरुणीस अश्लील व अर्वाच्य भाषेत शिवीगाळ केली..
या महिलेची ३५४ नुसार विनयभंगाची तक्रारही पोलीस स्टेशनने घेतलेली नाही.आव्हाड यांची पोलिस स्थानकात ही तक्रार
दरम्यान ही पोस्ट व्हायरल झाल्यानंतर जयंत आव्हाड यांनी सिन्नर पोलिस ठाण्यात दिलेला अर्ज समोर आला असून त्यात म्हटले आहे, सिन्नर तालुका भारतीय जनता पार्टीचे कार्यालय गाळा नं १२/१३, सुर्योदय संकुल येथे आहे. येथे काम करणाऱ्या तरुणीने कार्यालयातील 1 लाख रुपये चोरले. ही चोरी उघड झाल्यावर तिने पैसे चार दिवसांत आणून देईल, असे सांगितले. मात्र पैसे दिले नाही, ते परत मिळवून द्यावे असे अर्जात म्हटले आहे.
पहा व्हीडिओ
प्रशासकीय उदासीनतेमुळे भाविकांचे हाल, नाराजीचा सूर त्र्यंबकेश्वर : प्रतिनिधी सद्यःस्थितीत संपलेल्या पितृपंधरवड्यात (27 सप्टेंबर ते…
महाराष्ट्रात नवरात्रोत्सव शेकडो वर्षांपासून कुलाचार म्हणून साजरा केला जात आहे. ज्यात घटस्थापना ही प्रधान असते.…
कॉक्रोेच जनता पार्टीला (सीजेपी) निधी कोठून आणि कसा मिळतो, हा प्रश्न अनेकदा उपस्थित झाला आहे.…
सुचिता पाटील यांनी निवडली यशाची वेगळी वाट ♣ नवदुर्गां ♣ नाशिक : प्रतिनिधी महिला आता…
पेस्ट कंट्रोलसाठी लवकरच निविदा, अडचणीच्या भागात ड्रोनद्वारे धूर फवारणी यानुसार असेल काम टेंडर 1 :…
नगर परिषद संचालनालय प्रशासनाची नाराजी नाशिक : प्रतिनिधी खड्ड्यांमुळे झालेले अपघात, नुकसानभरपाई आणि निष्काळजीपणा करणार्‍या…