कळवण : प्रतिनिधी अभोणा येथील पोलीस हवालदार रमण काशीराम गायकवाड ( वय ४८ ) यांना काल ( दि . ५ ) दुपारी अभोणा पोलीस ठाणे आवारात तक्रारदार यांच्याकडून २ हजार रुपयांची लाच स्वीकारताना रंगेहाथ अटक केली आहे . याबाबत सविस्तर माहिती अशी की , तक्रारदार व त्यांचे नातेवाईक यांच्यात झालेले भांडण कोर्टात न जाऊ देता , परस्पर पोलीस स्टेशनमध्ये मिटविण्यात आली होती . यावरून पोलीस हवालदार रमण गायकवाड यांनी तक्रारदार व त्यांचे नातेवाईक यांच्याकडून प्रत्येकी १ हजार याप्रमाणे एकूण २ हजार रुपयांची लाच मागितली होती . तक्रारदार यांनी लाचलुचपत विभागाशी संपर्क साधल्यानंतर भ्रष्टाचार प्रतिबंध अधिनियमनाद्वारे सदर कारवाई करण्यात आली आहे . विभागाकडून झालेल्या कारवाईसाठी पोलीस अधीक्षक सुनील कडासने , अपर पोलीस अधीक्षक नारायण न्याहळदे , पोलीस उपअधीक्षक सतीश भामरे यांच्या मार्गदर्शनाखाली पोलीस उपअधीक्षक वैशाली पाटील , राजेंद्र गिते , शरद हेंबाडे , परशुराम जाधव यांनी सापळा पथक म्हणून कामगिरी बजावली आहे . तसेच कोणत्याही शासकीय अधिकारी , कर्मचारी यांनी काम करून देण्याच्या निमित्ताने पैशांची मागणी केली असेल तर लाचलुचपत विभागाच्या टोल फ्री क्र . १०६४ अथवा ०२५३-२५७५६२८ या क्रमांकावर संपर्क साधावा , असे आवाहन करण्यात आले आहे .
‘वर्षामागूनी वर्ष सरती ऋतू मागूनी ऋतू’ या गाण्याच्या ओळीप्रमाणे ऋतू चक्र फिरत असते. महिने, वर्ष…
अनेकांना वाटतं की, पेट्रोल-डिझेल महागलं की फक्त स्वतःची गाडी असणार्यांनाच फटका बसतो. पण हे अर्थशास्त्र…
बालपण म्हणजे जणू सुंदर स्वप्न. जे जगताना कधी कळत नाही, पण नंतर आठवलं की डोळे…
पोलिसांचा कानाडोळा; वाहतूक कोंडीत भर नाशिक : प्रतिनिधी नाशिक जिल्हा कायद्याचा बालेकिल्ला अशी मोहीम शहर…
109 गावे, 238 वाड्यांना टँकरद्वारे पाणी नाशिक : प्रतिनिधी जिल्ह्यात वाढत्या तापमानामुळे पाणीटंचाईची समस्या अधिक…
1.46 लाख शेतकरी बाधित, 145.87 कोटींची मदत मंजूर नाशिक : प्रतिनिधी मार्च 2026 मध्ये झालेल्या…