एबीबी कंपनीत सेवानिवृत्त कर्मचाऱ्यांचे आगळेवेगळे स्नेहसंमेलन

नाशिक : प्रतिनिधी
नाशिक एबीबी व्यवस्थापनाने 1978-2023 या 45वर्षात दीर्घ सेवा केलेल्या निवृत्त कर्मचार्यांना सपत्नीक आमंत्रित करत आगळेवेगळे स्नेहसंमेलन अयोजित करण्यात आले होते. कार्पोरेट जगात जगत असतांना शेवटच्या दिवशी हातामध्ये हिशोबाचा चेक आणि पुष्पगुच्छ देवून सेवानिवृत्त केल्यावर त्या कर्मचार्याला पुन्हा कधीही बोलावले जात नाही. सुमारे 150 हुन अधिक सेवानिवृत्त कर्मचारी या स्नेहसंमेलनासाठी उपस्थित होते. तीस ते चाळीस वर्षांनी एकमेकांना भेटण्याचा आनंद चेहऱ्यावर ओसंडून वाहत होता. संमेलनाला दिल्ली, बेंगलोर, बरोडा, मुंबई, पुणे आदी ठिकाणहून वय वर्ष 72 ते 89 या वयोगटातील ज्येष्ठ कर्मचाऱ्यांनी हजेरी लावली.मान्यवरांच्या हस्ते दीप प्रज्वलन करत कार्यक्रमाची सुरुवात झाली.यावेळी स्नेहसंमेलन आयोजनाची संकलपना सांगत एबीबी नाशिकचे प्रेसिडेंट गणेश कोठावदे यांनी एबीबी कंपनीचा प्रवास सांगितला.
प्रविण मानकर , विश्वास शेवडे, कंपनीचे माजी जनरल मॅनेजर माधव दिग्रसकर, सी एम ठाकूर, गिरीश बाग आदींनी आपल्या भावना व्यक्त करत जुन्या आठवणीना उजाळा दिला. कार्यक्रमाचे प्रास्ताविक दयानंद कुलकर्णी यांनी केले.कार्यक्रमाचे सूत्रसंचालन नितीन सहस्त्रबुद्धे यांनी केले.
कंपनीचे इंजिनिअरिंग डिपार्टमेंट हेड मिलिंद तांबट यांनी आभार मानले. कार्यक्रम यशस्वी करण्यासाठी सुनिल रत्नपारखी, अशोक कुलकर्णी, लक्ष्मीकांत खैरनार, वसंत सोनवणे,अमित सैनी आदींनी विशेष प्रयत्न केले.

बऱ्याच वर्षानंतर पुन्हा कंपनीत यायला मिळाल्यामुळे फोटो सेशन करण्यात आले.उपस्थितांपैकी प्रत्येकाने प्लांट व्हिजिट करून आपली जुनी जागा सापडते का ते शोधण्याचा प्रयत्न केला. भोजनाचा आस्वाद घेत स्नेहसंमेलनाच्या स्मृती मनात ठेऊन घराकडे प्रयाण केले. औद्योगिक वसाहतीत प्रथमच अशा प्रकारचा उपक्रम राबवण्यात आला आहे. यावेळी उपस्थित कर्मचाऱ्यांना आभार व्यक्त करण्यासाठी पोस्टकार्ड देण्यात आले.

कंपनीच्या प्रगतीत वर्तमानातल्या कर्मचाऱ्यांबरोबरच भूतकाळातील कर्मचाऱ्यांचेही मोठे योगदान आहे म्हणूनच या यशात आम्ही त्यांनाही सहभागी करून घेत आहोत. खरतर एखाद्या कंपनीसाठी नोकरीं सोडून जाणं किंवा रिटायर होणं हे काही नविन नाही पण व्यावसायिक ठिकाणीही नात्यातला ओलावा जपणे हेच या कार्यक्रमा मागचे उद्दिष्ट होते.

-गणेश कोठावदे ,( एबीबी प्रेसिडेंट)

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.

Next कांदा निर्यात शुल्क वाढविरोधात राष्ट्रवादीचा रास्ता रोको »

Previous « कांदा प्रश्र्नी जिल्हाधिकारी कार्यालयात बैठकीत कुठलाही तोडगा नाही.

View Comments

Smita Gurav says:

August 24, 2023 at 9:28 am

Simply superb idea of reunion of the respective retired employees.
Amazing .....
Congratulations to Ganesh Sir, Dayanad Sir and ABB team.
And obviously you all got a lot of blessings from their hearts