महिला व्यवसाय कर अधिकारी लाच घेताना जाळ्यात

नाशिक: प्रतिनिधी
लाचखोरी थांबण्याचे नाव घेण्यास तयार नसून व्यवसाय कर अधिकाऱ्यास चार हजारांची लाच घेताना लाच लुचपत प्रतिबंधक विभागाने आज रंगेहाथ पकडले. स्नेहल सुनील ठाकूर(52) असे या अधिकाऱ्यांचे नाव आहे.
द्वारका येथील कृषी औद्योगिक संघ लिमिटेड येथे कार्यरत स्नेहल ठाकूर यांनी तक्रारदार यांची कल्पदीप इंडस्ट्रीयल सिक्युरिटी सर्व्हिसेस ही कंपनी दोन वर्षांपासून बंद असल्याने कंपनीचा व्यवसाय कर रद्द करून देण्याच्या मोबदल्यात पाच हजारांची लाच मागितली होती. आज लाचेचे 4 हजार रुपये स्वीकारताना पोलीस उप अधीक्षक विश्वजित जाधव, हवालदार प्रकाश डोंगरे, प्रणय इंगळे, शीतल सूर्यवंशी, संतोष गांगुर्डे यांच्या पथकाने अधीक्षक शर्मिष्ठा घारगे- वालावलकर, अपर अधीक्षक माधव रेड्डी, उपअधीक्षक नरेन्द्र पवार यांच्या मार्गदर्शनाखाली ही कारवाई केली.

Devyani Sonar

देवयानी सोनार या 2018 पासून पत्रकारितेत कार्यरत आहेत. दैनिक पुढारी मधून त्यांनी पत्रकारिता सुरू केली, सध्या त्या दैनिक गांवकरी मध्ये उपसंपादक तसेच ऑनलाइन कंटेंट क्रीएटर म्हणून कार्यरत आहेत. आरोग्य, शैक्षणिक तसेच जिल्हा परिषद , सामाजिक विषयावर त्यांनी विपुल लेखन केलेले आहे. बीकॉम तसेच एम ए अर्थ शास्त्र यात पदयुत्तर पदवी मिळवली आहे. पत्रकारितेत अनेक पुरस्कार त्यांना मिळालेले आहेत.