महागड्या साड्या चोरणाऱ्या महिला सीटीव्हीत कैद

लासलगाव:समीर पठाण

लासलगाव शहरातील मुख्य बाजारपेठेत गजबजलेल्या ठिकाणी असलेल्या साडीच्या दुकानात साडी खरेदी करण्याच्या बहाण्याने आलेल्या दोन महिलांनी दुकानदाराचे लक्ष विचलित करून अंदाजे पंधरा ते वीस हजार रुपये किमतीच्या साड्या चोरून नेल्याची घटना घडली.सदर घटना दुकानात असलेल्या सीटीव्हीत कैद झाल्यामुळे आपल्या दुकानात साड्यांची चोरी झाल्याचे दुकानदाराच्या लक्षात आले

महिलांना साड्यांची आवड किती असते हे खरं तर सांगण्याची गरज नाही पण याच हौसेपोटी महीला कोणत्या थराला जाऊ शकतात याचा प्रत्यय लासलगाव शहरातील गजबजलेल्या ठिकाणी टिळक रोड येथे असलेल्या दिनेश प्रजापती यांच्या आशापुरा साडी सेंटर येथे आला.दोन महिला साड्या घेण्याच्या बहाण्याने या आशापुरा साडी सेंटर या दुकानात शिरल्या आणि त्यांनी दुकानातील माणसांना साडी दाखवण्यात गुंतवून ठेवलं आणि त्यानंतर या दोन महिलांनी हातचलाखी करून साड्या चोरून त्या आपल्या नेसलेल्या साडीत टाकून तिथून पोबारा केला.

साड्यांची चोरी झाल्याचा प्रकार दुकानदाराच्या लक्षात आल्यानंतर त्यांनी लासलगाव पोलिसांना या घटनेची माहिती दिल्यानंतर पोलिस तातडीने घटनस्थळी दाखल झाले व सीसीटिव्ही फुटेज च्या आधारे या महिलांचा शोध घेण्याचा प्रयत्न करून या पुढील तपास सहायक पोलिस निरीक्षक राहुल वाघ यांच्या मार्गदर्शनाखाली सुरू आहे.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.