विसापूर येथे वीज पडून युवकाचा मृत्यू

कळवण : प्रतिनिधीं

कळवण शहर व तालुक्याच्या परिसराला शुकवारी ( दि . १० ) वादळी वाऱ्यासह आलेल्या पावसाने कळवणकरांना अक्षरश : झोडपून काढले . तालुक्यातील विसापूर येथे वीज पडल्याने एका युवकाचा मृत्यू झाल्याची घटना घडल्याने हळहळ व्यक्त करण्यात येत आहे . कळवण शहर व तालुक्यात शुक्रवारी दुपारी ३ वाजता जोरदार पावसाचे आगमन झाले . वादळी वाऱ्यासह अचानक सुरू झालेल्या मुसळधार पावसामुळे शेतकऱ्यांची काही काळ चांगलीच तारांबळ उडाली . शेतकऱ्यांची कांद्याच्या चाळी झाकण्यासाठी एकच लगबग झाली . तालुक्यातील विसापूर येथे दुपारी ३.३० वाजेच्या सुमारास वादळी पावसात अंगावर वीज कोसळून बारकू गोपू सोनवणे ( ३६ ) या युवकाचा जागीच मृत्यू झाला . दुपारी ३ ते ६.३० असे सुमारे साडेतीन तास तालुक्यात ठिकठिकाणी जोरदार पावसाने हजेरी लावल्याने हवेत गारवा निर्माण झाला आहे .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.