चाटोरीत तीनवर्षीय चिमुकलीवर 19 वर्षीय युवकाचा अत्याचार

संशयिताला तीन दिवसांची पोलीस कोठडी

निफाड : तालुका प्रतिनिधी
पुणे येथील बालिकेवरील अत्याचार प्रकरणावरून संतापाची लाट उसळत असताना निफाड तालुक्यातील चाटोरी येथे मजुरीसाठी आलेल्याच्या तीनवर्षीय बालिकेवर एकोणीसवर्षीय युवकाने अत्याचार केल्याची निंदनीय घटना घडली.
चाटोरी शिवारात गेल्या महिनाभरापासून रणखेडा (जि. जळगाव) येथून ऊसतोडणीसाठी हे कुटुंब आले होते. त्याचवेळी तीनवर्षीय पीडितेचे वडील हे गावी गेलेले असल्याने पीडितेसह तिची आई व मुले चाटोरी शिवारात होते. 1 मे रोजी दुपारी चारला पीडितेला तहान लागल्याने पीडितेची आई पाणी आणण्यासाठी बाहेर गेल्यावर संशयित समीर भाऊसाहेब महाले (वय 19) याने बालिकेवर अत्याचार केला. आई बालिकेला पाणी घेऊन आली. त्यावेळी तिने संशयित पीडितेवर कूकर्म करत असताना पाहिले. संशयिताने तेथून पळ काढला. याबाबत सायखेडा पोलीस ठाण्यात पीडितेच्या आईनेे दिलेल्या फिर्यादीवरून बाललैंगिक अत्याचार प्रतिबंधक कायद्यान्वये गुन्हा नोंदविण्यात आला. संशयित समीर महाले याला अटक करून निफाड जिल्हा व सत्र न्यायालयात हजर केले असता, त्यास तीन दिवसांची पोलीस कोठडी सुनावली.

19-year-old youth abuses three-year-old girl in Chatori

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.