चोवीस तासांत शहरात 28 मिमी पाऊस

धरणांतून विसर्ग वाढल्याने गोदावरीच्या पाणीपातळीत वाढ

नाशिक : प्रतिनिधी
शहरासह जिल्ह्यात गेल्या दोन दिवसांपासून सुरू असलेल्या पावसाने बुधवारीही हजेरी लावली. मागील चोवीस तासांत नाशिक शहरात 28 मिमी पावसाची नोंद झाली. या पावसामुळे शहरातील अनेक सखल भागांत पाणी साचले, तर नदी, नाले आणि ओढे दुथडी भरून वाहू लागले आहेत. धरणांच्या पाणलोट क्षेत्रातही समाधानकारक पाऊस सुरू असल्याने विविध धरणांतून नियंत्रित स्वरूपात पाण्याचा विसर्ग सुरू ठेवण्यात आला आहे. त्यामुळे गोदावरी नदीच्या पाणीपातळीत वाढ झाली असून, प्रशासनाने नागरिकांना सतर्क राहण्याचे आवाहन केले आहे.
त्र्यंबकेश्वर, इगतपुरी, पेठ, सुरगाणा, दिंडोरी, कळवण आणि इतर डोंगराळ भागात सुरू असलेल्या पावसामुळे धरणांमध्ये पाण्याची आवक वाढत आहे.
22 जुलै रोजी सायंकाळी 6 वाजेपर्यंत गंगापूर धरणातून 199 क्यूसेक, कडवा धरणातून 1,554 क्यूसेक, भावली धरणातून 1,509 क्यूसेक, पालखेड धरणातून 1,374 क्यूसेक, पुणेगाव धरणातून 702 क्यूसेक, दारणा धरणातून 1,100 क्यूसेक, गौतमी गोदावरी प्रकल्पातून 1,000 क्यूसेक पाण्याचा विसर्ग सुरू होता. तसेच नांदूरमध्यमेश्वर बंधार्‍यातून 7,924 क्यूसेक पाणी पुढे सोडण्यात येत असून, होळकर पुलाजवळ 35 क्यूसेक प्रवाहाची
नोंद झाली.

धरणनिहाय पाण्याचा विसर्ग (22 जुलै, सायं. 6 वा.)
गंगापूर – 199 क्यूसेक कडवा – 1,554 क्यूसेक
भावली – 1,509 क्यूसेक पालखेड – 1,374 क्यूसेक
पुणेगाव – 702 क्यूसेक दारणा – 1,100 क्यूसेक
गौतमी गोदावरी – 1,000 क्यूसेक होळकर पूल – 35 क्यूसेक
नांदूरमध्यमेश्वर बंधारा – 7,924 क्यूसेक

28 mm of rainfall in the city in 24 hours.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.