तरुणाईमध्ये रोझ, गिफ्ट, चॉकलेट, पार्टीचा उत्साह
नाशिक ः प्रतिनिधी
शनिवारी (दि.14) साजर्या होणार्या ‘व्हॅलेंटाइन डे’चे वेध लागले असून, तरुणाई आपापल्या आवडत्या व्यक्तीला गुलाबाचे
फूल, गिफ्ट, चॉकलेट आदी देत पार्टीचे प्लॅनिंग करीत असल्याचे चित्र आहे.
फेब्रुवारी महिना लागला की, तरुणाईला व्हॅलेंटाइनचे वेध लागतात. सध्या व्हॅलेंटाइन आठवडा सुरू असून, रोझ डे, प्रपोझ डे, चॉकलेट डे, टेडी डे, प्रॉमिस डे, हग डे, किस डे आणि व्हॅलेंटाइन डे असे साजरे केले जाते.
यातील प्रत्येक दिवसाचे वेगळे महत्त्व असल्याने त्या त्या दिवशीच्या वस्तू भेट दिल्या जात असून, आपल्या प्रियजनांसाठी हटके गिफ्ट देण्याकडे तरुणाईचा कल दिसून येत आहे. त्यासाठी ऑन आणि ऑफलाइन बाजारात फेरफटका मारला जात असून, व्हॅलेंटाइनच्या दिवशी खास गिफ्ट ऑर्डर करण्याचाही ट्रेंड दिसून
येत आहे.
यासाठी बाजारपेठा सज्ज झाल्या असून, गिफ्टिंगसाठी नवनवे पर्याय शोधले जात आहेत. शहरातील कॉफी शॉप्स्, कॅफेमध्ये कपल्ससाठी खास डेकोरेशन करण्यात आले असून, सेल्फी, म्युझिक, खास मेनू, लायटिंग, कँडल लाइट डिनर आदींचे आयोजन करण्यात आले असून, विशेष सवलतीही देण्यात आल्या आहेत.
फुलांचे बुके, चॉकलेट, गिफ्ट हॅम्पर आणि कस्टमाइज वस्तूंना मागणी असून, टेेडी बिअर, ग्रीटिंग कार्ड यांना मागणी आहे.
पानाफुलांचे डेकोरेशन केलेले केक, प्रेमाचे प्रतीक म्हणून अनेकविध चॉकलेट्स तसेच खास पॅकिंग केलेल्या गिफ्ट्सना पसंती दिली जाते.
Markets boom for Valentine’s Day