सिडको : विशेष प्रतिनिधी
आनंदवली सिग्नल येथे शुक्रवारी सायंकाळच्या गर्दीच्या वेळी अचानक मोठी वाहतूक कोंडी निर्माण झाली. वाहनांच्या लांबच लांब रांगा लागल्याने नागरिक त्रस्त झाले होते. यावेळी उपमहापौर विलास शिंदे यांनी तत्परता दाखवत थेट रस्त्यावर उतरून वाहतूक नियोजन हाती घेतले आणि काही वेळातच खोळंबलेली वाहतूक सुरळीत केली.
अचानक निर्माण झालेल्या कोंडीमुळे परिसरात गोंधळाचे वातावरण निर्माण झाले होते. अनेक नागरिक, नोकरदार, विद्यार्थी आणि प्रवासी या कोंडीत अडकून पडले होते. परिस्थितीची दखल घेत विलास शिंदे यांनी कोणतीही औपचारिकता न ठेवता स्वतः वाहनचालकांना मार्गदर्शन केले. त्यांच्या हस्तक्षेपामुळे काही मिनिटांतच वाहतूक सुरळीत झाली. या घटनेतून लोकप्रतिनिधी म्हणून त्यांची कार्यपद्धती अधोरेखित झाली. गरज भासल्यास प्रत्यक्ष मैदानात उतरून नागरिकांच्या अडचणी सोडवण्याची भूमिका त्यांनी पार पाडली. त्यांच्या या कृतीचे नागरिकांकडून स्वागत करण्यात आले. वाहतूक कोंडीच्या प्रसंगी उपमहापौर विलास शिंदे यांनी दाखवलेली तत्परता नागरिकांसाठी दिलासादायक ठरली. कोंडीत अडकलेल्या नागरिकांनी त्यांच्या पुढाकाराचे कौतुक करत समाधान व्यक्त केले.
Traffic jam at Anandvali signal eased with Deputy Mayor’s intervention