Categories: महाराष्ट्र

महावितरणचा सहायक अभियंता लाच स्वीकारताना जाळ्यात

नाशिक : प्रतिनिधी
घोटी येथील महावितरणच्या सहायक अभिंयत्यास चाळीस हजार रुपयांची लाच स्वीकारताना लाच लुचपत प्रतिबंधक विभागाच्या अधिकार्‍यांनी रंगेहाथ पकडले. सचिन चव्हाण असे या लाचखोर सहायक अभियंत्याचे नाव आहे.
तक्रारदाराचा वॉटर फ्युरिफिकेशन प्लान्ट आहे. या प्लान्टवर असणार्‍या मीटरवर वाढीव वीज लोड मंजूर करुन देण्यासाठी सचिन चव्हाण यांनी चाळीस हजार रुपयांची लाचेची मागणी तक्रारदाराकडे केली होती. त्यामुळे लाच लुचपत प्रतिबंधक विभागाकडे तक्रार करण्यात आल्यानंतर सापळा रचण्यात आला. चाळीस हजार रुपयांची लाच स्वीकारताना सचिन चव्हाण यास पथकाने रंगेहाथ पकडले. उपअधीक्षक अभिषेक पाटील, सुखदेव मुरकुटे, प्रणय इंगळे यांच्या पथकाने अधीक्षक शर्मिष्ठा घारगे-वालावलकर, अप्पर अधीक्षक नारायण न्याहाळदे, वाचक पोलीस उपअधीक्षक नरेंद्र पवार यांच्या मार्गदर्शनाखाली ही कारवाई केली. याबाबत पोलीस ठाण्यात गुन्हा दाखल करण्यात आला आहे.

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.