इगतपुरीजवळ मर्सिडीज आणि आयशरचा भीषण अपघात : ३ ठार, १ जण गंभीर जखमी

इगतपुरी : प्रतिनिधी
नवीन वर्षाच्या पहिल्याच दिवशी मुंबई नाशिक महामार्गावरील इगतपुरी बायपास जवळील बोरर्टेंभे येथे सोमवारी पहाटे चार वाजेच्या सुमारास भरधाव वेगातील मर्सिडीज कारने भाजीपाला घेऊन जाणाऱ्या आयशरला पाठीमागून जोरदार धडक दिल्याने हा अपघात झाला. या अपघातात तीन जण जागीच ठार तर एक गंभीर जखमी झाला आहे.
या अपघातात एमएच ०२ ईएक्स ६७७७ ह्या क्रमांकाच्या मर्सिडीज कारचा चक्काचूर झाला आहे. जखमींना पुढील उपचारासाठी नाशिकच्या जिल्हा रुग्णालयात दाखल करण्यात आले आहे. रूट पेट्रोलिंग टीम, टोल प्लाझा रुग्णवाहिका आणि महामार्ग पोलिस घोटी यांनी अपघाताची माहिती समजताच मदतकार्य केले.