प्रशासनाचा अलर्ट: जिल्हयात उद्या ढगफुटी सदृश्य पावसाची शक्यता
हवामान विभागाच्या इशाऱ्यामुळे त्र्यंबकेश्वर मंदिर दर्शनासाठी बंद
नाशिक: भारतीय हवामान विभागाने अतिवृष्टीचा इशारा दिल्याने भाविकांच्या सुरक्षेच्या दृष्टीने श्री त्र्यंबकेश्वर मंदिर मंगळवार, ७ जुलै रोजी संपूर्ण दिवस दर्शनासाठी बंद राहणार असल्याची माहिती जिल्हाधिकारी यांनी दिली.
मंदिरातील नित्यपूजा व धार्मिक विधी नेहमीप्रमाणे पार पडतील. मात्र, भाविकांना मंदिरात प्रवेश व दर्शनाची परवानगी दिली जाणार नाही.
भाविकांनी हवामानाचा अंदाज लक्षात घेऊन सहकार्य करावे व अनावश्यक प्रवास टाळावा, असे आवाहन जिल्हाधिकारी आयुष प्रसाद यांनी केले आहे.
बुधवार, ८ जुलै रोजी सकाळी ९ वाजल्यापासून श्री त्र्यंबकेश्वर मंदिर भाविकांच्या दर्शनासाठी पुन्हा खुले करण्यात येणार आहे.
.