ग्रामपंचायत कार्यालयात गळफास घेत कर्मचाऱ्याची आत्महत्या

सटाणा : प्रतिनिधी

ग्रामपंचायत कार्यालयातील कर्मचारी शिपाई समाधान निंबा पाटील (वय ३७) यांनी सकाळी ग्रामपंचायत कार्यालयातील संगणक कक्षात गळपास घेवून आत्महत्या केल्याची घटना बागलाण तालुक्यातील पिंपळकोठे येथे उघडकीस
आली आहे. आर्थिक विंवचे नेतुन आत्महत्या केल्याचा अंदाजवर्तविला जात आहे.
याबाबतची सुत्रांकडून मिळालेल्या माहिती नुसार आज बुधवार दि . २० रोजी सकाळी ९ वाजेच्या सुमारास पिंपळकोठे ग्रामपंचायत कार्यालयातील कर्मचारी सुरेश गांगुर्डे कार्यालयात गेले . संगणक कक्षात प्रवेश करताच त्यांना कार्यालयातील शिपाई कर्मचारी समाधान निंबा पाटील यांने संगणक कक्षाच्या छताला असलेल्या पंख्याला गळपास घेतल्याचे दिसून आले . गांगुर्डे यांनी तात्काळ पोलिस पाटील शिला भामरे यांना पाचारण करून जायखेडा पोलिसांना खबर दिली . समाधान पाटील हे ग्रामपंचायत मध्ये शिपाई पदावर मानधनावर नोकरी करित होते . त्यांना ४६०० रूपये इतके मानधन मिळत होते . त्या मानधनावर त्यांचा प्रपंच होत नसल्याचे प्रथमदर्शनी पोलिसांनी शक्यता व्यक्त केली आहे . समाधान पाटील यांच्या पश्चात आई – वडील , पत्नी , एक मुलगा व मुलगी असा परिवार आहे .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.