भरवस तलाठी कार्यालयातील कोतवाल लाचलुचपत प्रतिबंधक विभागाच्या जाळ्यात

लासलगाव : प्रतिनिधी

देवगाव मंडळ कार्यालयात लाचलुचपत प्रतिबंधक विभागाच्या लावलेल्या सापळ्यात भरवस तलाठी कार्यालयातील कोतवाल लक्ष्मण फकिरा वैराळ
यांना लाचलूचपत प्रतिबंधक विभागाकाने पकडले आहे
तक्रारदाराकडून तीन हजारांची लाच मागितली होती. त्यावर त्यांनी लाचलूचपत प्रतिबंधक विभागाकडे तक्रार केली असता त्यांनी ही कारवाई केली.कोतवाल लक्ष्मण फकिरा वैराळ यांच्यावर (दि.25 ) रोजी गुन्हा दाखल करण्यात आला.

या बाबत मिळालेल्या माहितीनुसार तक्रारदार यांची निफाड तालुक्यातील दहेगाव येथील वडिलोपार्जित शेत जमिनीचे खाते वाटप आदेश तहसील कार्यालय निफाड यांचेकडून प्राप्त झाले होते.त्या आदेशाची नोंद तलाठी दप्तरी सात बारा उताऱ्यावर घेऊन नोंद मंजूर करण्यासाठी भरवस तलाठी कार्यालयातील कोतवाल लक्ष्मण फकिरा वैराळ यांनी पाच हजार रुपयांची मागणी केली केली होती.याबाबत तक्रारदार यांनी लाचलुचपत प्रतिबंध विभागाकडे तक्रार केली होती.तक्रारीची शहानिशा झाली असता आज (दि.२५) सापळा रचण्यात आला. तीन हजार रुपये स्विकारताना वैराळ यांना रंगेहात पकडण्यात आले. लाचलुचपत प्रतिबंध विभागाचे पोलीस निरीक्षक संदीप साळुंखे,पोलीस नाईक प्रभाकर गवळी, शरद हेंबाडे,संतोष गांगुर्डे यांच्या पथकाने ही कारवाई केली.