गिरणारे येथे बिबट्याच्या हल्ल्यात एक जण जखमी
नाशिक प्रतिनिधी
तालुक्यातील गिरणारे येथे आज सकाळी बिबट्याने केलेल्या हल्ल्यात एक जण गंभीर जखमी झाल्याची घटना घडल्याने ग्रामस्थांमध्ये दहशतीचे वातावरण निर्माण झाले आहे एकनाथ धवड असे हल्ल्यात जखमी झालेल्या व्यक्तीचे नाव असून त्याच्यावर रुग्णालयात उपचार सुरू आहेत या भागात बिबट्याचा वावर मोठ्या प्रमाणात वाढला असून मागील आठवड्यात ही बिबट्याच्या हल्ल्याचे प्रकार घडले आहेत वन्यजीव विभागाने बिबट्याचा बंदोबस्त करावा अशी मागणी होत आहे