विधानपरिषदेत भाजपाने खाते उघडले

कोकणमध्ये ज्ञानेश्‍वर म्हात्रे विजयी

मुंबई : कोकण शिक्षक मतदार संघाच्या निवडणुकीत अखेर भाजपा- शिंदे गटाचे उमेदवार ज्ञानेश्‍वर म्हात्रे हे विजयी झाले. म्हात्रे यांना पहिल्या पसंतीची जवळपास 20 हजार मते मिळाली आहेत. म्हात्रे यांच्या विजयासह भाजप आणि शिंदे गटाने विधानपरिषद निवडणुकीत महाविकास आघाडीला पहिला धक्का दिला आहे. विधानपरिषदेच्या पाच जागांसाठी मतदान झाले. कोकणमध्ये शेकापचे उमेदवार बाळाराम पाटील यांना पराभवाचा सामना करावा लागला. बाळाराम पाटील यांनी महाविकास आघाडीतील घटकपक्षांच्या मदतीने म्हात्रे यांना आव्हान दिले होते. मात्र अखेर बाळाराम पाटील यांच्या पदरी निराशा पडली आहे.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.