युवक काँग्रेस जिल्हाध्यक्ष मानस पगार यांचे अपघातात निधन

पंचवटीतील उड्डाण पुलावरील मध्यरात्रीची घटना…

पंचवटी : वार्ताहर
पंचवटी डेपोसमोरील उड्डाण पुलावर बुधवारी मध्यरात्री झालेल्या अपघातात नाशिक ग्रामीण युवक काँग्रेसचे जिल्हाध्यक्ष मानस पगार (३२) यांचा मृत्यू झाला. अपघातामुळे एक उमदे युवा नेतृत्व काळाच्या पडद्याआड गेल्याने हळहळ व्यक्त होत आहे.
पंचवटी डेपोसमोरील उड्डाण पुलावर बुधवारी रात्री १२.१५ वाजता ही घटना घडली. मानस पगार हे सहकाऱ्यासमवेत पिंंपळगावकडे परतत होते. मागून आलेल्या वाहनाने धडक दिल्याने गंभीर जखमी झालेल्या मानस पगार यांचे प्राणोत्क्रमण झाले. तर सहकारी सूरज मोरे हा गंभीर जखमी असल्याची माहिती पोलिसांनी दिली.
मानस पगार यांच्या अकाली मृत्यूचे वृत्त समजताच राज्य व देशपातळीवरील काँग्रेस पदाधिकाऱ्यांनी सोशल मिडियावर श्रद्धांजली अर्पण केली आहे. अनेकांना या वृत्ताने धक्का बसला आहे. नुकत्याच झालेल्या भारत जोडो यात्रेतही मानस पगार हिरीरीने सहभागी झाले होते. तसेच ते सत्यजीत तांबे यांचे निकटवर्तीय मानले जात होते .

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.