जुलैपासून चारचाकी घेणे महागणार : वाहन घेणाऱ्यांच्या खिशाला भुर्दंड

१ जुलै  पासून चारचाकी वाहन घेणे महागणार : वाहन घेणाऱ्यांच्या खिशाला भुर्दंड

पंचवटी : सुनील बुनगे
चारचाकी वाहनांच्या करात प्रादेशिक परिवहन विभागाने १ टक्क्याने वाढ करण्यात आली असून १ जुलै २०२५ पासून आता चारचाकी वाहने महाग होणार आहे. तर पूर्वी मालवाहू वाहने जसे की, पिक अप,टेम्पो आदी यांना ज्यांचे ओझे लादलेले असताना नोंदणीकृत वजन साडे सात टन ( ७५०० ) यांना एकरकमी कर आकारला जायचा आता त्या वाहनांच्या खरेदीवर मोटर वाहनाच्या किमतीवर ७ टक्के एकरकमी कर भरावा लागणार आहे.त्यामुळे खाजगी वाहन घेणारे वाहन मालक आणि शेतकरी व मालवाहू वाहन घराण्याच्या घेणाऱ्यांच्या खिशाला मात्र आता भुर्दंड सोसावा लागणार आहे.
राज्याच्या परिवहन आयुक्तांनी तसे परिपत्रक काढले आहे.यात महाराष्ट्र मोटर वाहन कर ( सुधारणा ) अधिनियम २०२५ मधील तरतुदी लागू करण्याच्या सूचना दिल्या आहेत.त्यामुळे १ जुलै २०२५ पासून चाारचाकी वाहनांना नवीन मोटर वाहन कर लागू होणार आहेत. यापूर्वी ज्या वाहनांना १० लाखांपर्यंत ७ टक्के कर होता तो ८ टक्के झाला असून २० लाखांपर्यंत ८ टक्के आता तो ९ टक्के तर २० लाखांच्या पुढील वाहनांना ९ टक्के होता तो १० टक्के इतका भरावा लागणार आहे.तर ज्या वाहनाच्या UW ( रिकाम्या गाडीचे वजन ) किंवा GVW ( मालसहित वजन ) नुसार वार्षिक कर होता तो आता मोटर वाहनाच्या किमतीच्या ७ टक्के एकरकमी भरावा लागणार आहे.तसेच ओझे लादलेले असताना ज्या वाहनाचे वजन साडे सात टन ( ७ हजार ५००) किलो पेक्षा जास्त नसेल अशी माल वाहतुकीकरता वापरले जाणारे हलके मालवाहू वाहनांना वाहनात भरलेल्या मालासहित एकरकमी कर होता तो आता मोटर वाहनाच्या किमतीच्या ७ टक्के करण्यात आला आहे.

१ जुलै २०२५ पासून लागू होणारे नवीन मोटर वाहन कर

दुचाकी किंवा चारचाकी ( खाजगी ) सीएनजी किंवा एलपीजी वाहने
( जुने कर दर )
१० लाखापर्यंत ७ टक्के
२० लाखापर्यंत ८ टक्के
२० लाखाच्या पुढे ९ टक्के
( नवीन कर दर )
१० लाखापर्यंत ८ टक्के
२० लाखापर्यंत ९ टक्के
२० लाखाच्या पुढे १० टक्के

———————–

क्रेन , कॉम्प्रेसर्स प्रोजेक्टर किंवा खनित्रे यासारखी बांधकामा करता वापरली जाणारे कोणतेही मोटर वाहने
( जुने कर दर)
वाहनाच्या रिकाम्या गाडीचे किंवा ( GVW) मालसहित नुसार वार्षिक कर
( नवीन कर दर)
मोटर वाहनाच्या किमतीच्या ७ टक्के एकरकमी कर

—————————

ओझे लादलेले असताना ज्याचे नोंदणीकृत वजन ७५०० किलो पेक्षा अधिक नसेल अशी माल किंवा सामग्री यांच्या वाहतुकीकरिता वापरले जाणारे हलकी मालवाहू वाहने

( जुने कर दर )
वाहनाच्या ( GVW ) मालसाहीत वजनानुसार एकरकमी कर
(नवीन कर दर)
मोटर वाहनाच्या किमतीच्या ७ टक्के एकरकमी कर

————————–

वाहनाची जास्तीत जास्त कर मर्यादा

( जुने कर दर )
२० लाख
( नवीन कर दर )
३० लाख