नाशिक : प्रतिनिधी
नाशिक-त्र्यंबकेश्वर येथे पुढील वर्षी होणार्या सिंहस्थ कुंभमेळ्याच्या पार्श्वभूमीवर सुरू असलेल्या विविध विकासकामांची राज्याचे मुख्य सचिव राजेश अग्रवाल यांनी प्रत्यक्ष पाहणी करून आढावा घेतला. विविध प्रकल्पांची प्रगती, गुणवत्ता आणि वेळापत्रक याबाबत त्यांनी संबंधित अधिकार्यांकडून सविस्तर
माहिती घेतली.
या पाहणी दौर्यात कुंभमेळा विकास प्राधिकरणाचे अध्यक्ष तथा विभागीय आयुक्त डॉ. प्रवीण गेडाम, कुंभमेळा आयुक्त शेखर सिंह, महानगरपालिका आयुक्त मनीषा खत्री, अतिरिक्त आयुक्त करिश्मा नायर, सहायक जिल्हाधिकारी डॉ. पवन दत्ता, पोलीस उपायुक्त किरणकुमार चव्हाण यांच्यासह विविध विभागांचे अधिकारी उपस्थित होते.
मुख्य सचिवांनी द्वारका सर्कल येथील भुयारी मार्ग, तपोवनातील लक्ष्मीनारायण मंदिराजवळील समांतर पूल, कपिला संगम, साधुग्राम तसेच गोदावरी नदीकाठावरील नवीन घाटांच्या कामांची पाहणी केली. यासोबतच तपोवन, आगरटाकळी व दसक-पंचक परिसरातील मलजल शुद्धीकरण प्रकल्पांचा आढावा घेतला.
तसेच पांडवलेणी परिसरातील घनकचरा व्यवस्थापन व खतनिर्मिती प्रकल्प, जलशुद्धीकरण प्रकल्प आणि राजूर बहुला येथील वीज उपकेंद्राचीही पाहणी करण्यात आली.
मुख्य सचिव अग्रवाल यांनी कुंभमेळ्यासाठी येणार्या भाविकांच्या दृष्टीने सर्व कामे वेळेत, दर्जेदार व गुणवत्तापूर्ण पूर्ण करण्याचे निर्देश दिले.
पाहणीतील प्रमुख कामे
♦ द्वारका सर्कल भुयारी मार्ग तपोवन समांतर पूल गोदावरी नदीकाठावरील घाट ♦ विकास साधुग्राम व कपिला संगम परिसर सुधारणा
♦ मलजल शुद्धीकरण प्रकल्प (तपोवन, आगरटाकळी, दसक-पंचक)
♦ घनकचरा व्यवस्थापन व खत प्रकल्प जलशुद्धीकरण प्रकल्प राजूर बहुला वीज उपकेंद्र
पुढील दोन दिवसांचा दौरा
♦ पांडवलेणी येथे भेट
♦ नाशिकरोड रेल्वेस्थानकातील कामांची पाहणी
♦ धुळे रोडवरील पार्किंग व्यवस्थेचा आढावा रामकुंड परिसरातील विकासकामांची तपासणी स्मार्ट सिटी कार्यालयात कुंभमेळा आढावा बैठक
Chief Secretary inspects Kumbh Mela development works