शहरात डेंग्यूचा कहर

रुग्णसंख्या 82 वर उपाययोजना पडताहेत तोकड्या

नाशिक : प्रतिनिधी
शहरात ऐन सणासुुदीच्या तोंडावर डेंग्यूचा उद्रेक पहायला मिळत आहे. ऑक्टोबर महिन्यातील पहिल्या वीस दिवसांतच रुग्णांची संख्या तब्बल 82 वर पोहोचली आहे. तर जानेवारी ते ऑक्टोबरमधील रुग्णसंख्या 264 वर गेल्याचे चित्र आहे. दरम्यान, पालिकेच्या आरोग्य विभागाकडून केल्या जाणार्‍या उपाययोजना तोकड्या ठरत असल्याचे यावरून
दिसत आहे.
यंदा पावसाने विश्रांती दिली असली तरी, डेंग्यूबांधितांची संख्या लक्षणीय वाढत असल्याने शहरात डेंग्यू कमालीचा सक्रिय झाल्याचे दिसत आहे. डेंग्यूपाठोपाठ तापसदृश आजार मोठ्या प्रमाणात वाढले असून, साथीच्या आजारांनी ग्रस्त असलेल्या नागरिकांनी रुग्णालये फुल्ल झाली आहेत. आरोग्य विभागाने शहरात डेंग्यू शोधमोहीम हाती घेतली असता शासकीय कार्यालयाच्या आवारात डेंग्यूचे डास आढळल्याने संबंधित आस्थापनांना नोटिसा बजावल्या होत्या. तर शहरात डेंग्यू व स्वाइन फ्लूचे रुग्ण वाढतच असल्याने प्रशासनाने मध्यंतरी सहाही विभागांत सर्वेक्षणाचे काम हाती घेतले. याकरिता आरोग्यवर्धिनी केंद्रनिहाय विशेष पथकांची नियुक्ती शहरातील प्रत्येक आरोग्यवर्धिनी केंद्रनिहाय करण्यात आली. पथकात आशासेविका, बहुद्देशीय आरोग्य सेवक, ए.एन.एम. यांच्यासह मनपाचे कीटक नियंत्रण विभागातील कंत्राटी कामगार व क्षेत्रीय कर्मचार्‍यांचा समावेश करून नागरिकांची तपासणी व डेंग्यूचे स्पॉट स्पष्ट करण्याची मोहीम हाती घेण्यात आली होती. दरम्यान, विविध उपाययोजना करूनही आरोग्य विभाग हतबल झाल्याचे चित्र आहे.

Dengue outbreak in the city

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.