दिंडोरीला गट शिक्षण अधिकाऱ्यांसह तिघे लाच घेताना जाळ्यात

नाशिक: प्रतिनिधी

शिक्षक पती पत्नीचे एकस्तर वेतनश्रेणीतील थकीत फरक बिलाची रक्कम मंजूर करण्याच्या मोबदल्यात 52 हजार रुपयांची लाच घेताना दिंडोरी पंचायत समितीचे गट शिक्षण अधिकारी व लेखा अधिकारी आणि एक शिक्षक अशा तिघांना लाच लुचपत प्रतिबंधक विभागाने पकडले.

जिल्हा परिषदेत लाच खोरीचे प्रकरणे चांगलेच गाजत असून, गेल्या पंधरा दिवसातली ही तिसरी कारवाई आहे. यापूर्वी बांधकाम विभागातील तसेच जलसंपदा विभागातील अधिकारी लाच घेताना जाळ्यात सापडले होते. आता दिंडोरी पंचायत समितीच्या शिक्षण अधिकाऱ्यासह दोघांना लाच घेताना पकडल्याने खळबळ उडाली आहे.

तक्रारदार पती पत्नी यांनी 2006 ते 2025 या कालावधीतील एकस्तर वेतनश्रेणी च्या फरक बिलाची तक्रारदारांची रक्कम ₹६,५७,८०८/- तर त्यांच्या पत्नीची ₹६,५५,६००/- मंजुरीसाठी प्रस्ताव सादर केला होता. हा प्रस्ताव प्रलंबित होता. या बिलांची प्रक्रिया पूर्ण करून जिल्हा परिषद, नाशिक येथे सादर करण्यासाठी 52 हजारांची लाच मागितली होती लाचेची 1 टक्का रक्कम

गट शिक्षणाधिकारी भाऊसाहेब चव्हाण यांनी स्वीकारली तर
शिक्षक निलेश भारती यांनी सुरुवातीला ५% व नंतर ३% रक्कम मागितली. ही रक्कम स्वतःसाठी व जिल्हा परिषद येथील अधिकारी देविप्रसाद पाटील यांना देण्यासाठी घेतली होती. तक्रारदार यांनी याबाबत लाचलुचपत प्रतिबंधक विभागाकडे तक्रार केली होती. त्यानुसार सापळा अधिकारी: पोलीस निरीक्षक सौ. नेहा सूर्यवंशी
पथक सदस्य: पो.हवा. विनोद चौधरी,पो.कॉ. अनिल गांगोडे यांनी सापळा रचला असता लाच घेताना रंगेहाथ पकडण्यात आले. याबाबत गुन्हा दाखल करण्यात आला आहे. भारत तांगडे, पोलीस अधीक्षक.माधव रेड्डी, अपर पोलीस अधीक्षक. सुनील दोरगे, अपर पोलीस अधीक्षक यांच्या मार्गदर्शनाखाली ही कारवाई करण्यात आली.

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.