नांदूरमध्यमेश्वरमधून 1,614 क्यूसेक विसर्ग

नाशिक : प्रतिनिधी
नांदूरमध्यमेश्वर बंधार्‍यातून सोडण्यात येणार्‍या विसर्गात सोमवारी (दि. 6) सायंकाळी 6 वाजता 807 क्यूसेकची वाढ करण्यात आली. त्यामुळे एकूण विसर्ग 1,614 क्यूसेक झाला आहे. पावसाचे प्रमाण कायम राहिल्यास पुढील काळातही विसर्ग वाढण्याची शक्यता आहे.
सोमवारी नांदूरमध्यमेश्वर बंधार्‍यातून 807 क्यूसेकने विसर्ग सुरू होता. सायंकाळी 6 वाजता त्यामध्ये आणखी 807 क्यूसेकची वाढ करण्यात आल्याने एकूण विसर्ग 1,614 क्यूसेक झाला आहे.
विभागाने दिलेल्या माहितीनुसार, पावसाचे प्रमाण लक्षात घेता विसर्गात टप्प्याटप्प्याने आणखी वाढ होण्याची शक्यता नाकारता येत नाही. त्यामुळे गोदावरी नदीपात्रालगत राहणार्‍या नागरिकांनी सतर्क राहावे, नदीपात्रातील साहित्य व जनावरे तातडीने सुरक्षित ठिकाणी हलवावीत, असे आवाहन करण्यात आले आहे. ही माहिती नाशिक पाटबंधारे विभागाच्या कार्यकारी अभियंता सोनल शहाणे यांनी प्रसिद्धिपत्रकाद्वारे दिली आहे.

Discharge of 1,614 cusecs from Nandur Madhmeshwar.