शहरात ‘निळे वादळ’ : झेंडे, पताका खरेदीला वेग
नाशिक : प्रतिनिधी
भारतरत्न डॉ. बाबासाहेब आंबेडकर जयंतीनिमित्ताने बाजारपेठ सजली आहे. झेंडे, पताका, चमकी अशा विविध वस्तू बाजारात विक्रीस दाखल झाल्या आहेत. संपूर्ण बाजारपेठ निळ्या रंगाच्या वस्तूंनी उजळून निघाली आहे. झेंडे व बॅज यांची अधिक मागणी आहे.
आज, मंगळवारी (दि. 14) डॉ. आंबेडकर जयंती साजरी होणार आहे. सर्वत्र तयारीस वेग आला आहे. बाजारपेठेत झेंडे, मफलर, पट्टी, टोपी, फेटे अशा विविध वस्तू विक्रीसाठी उपलब्ध आहेत. बाजारपेठ जयंतीसाठी लागणार्या साहित्याने उजळून निघाली आहे. ठिकठिकाणी वस्तू विक्रीची दुकाने लागली आहेत.
गेल्या वर्षीच्या तुलनेत यंदा वस्तूंच्या दरात 10 टक्के वाढ झाली आहे. भद्रकाली मार्केट या ठिकाणी जयंतीसाठी लागणार्या साहित्याची बाजारपेठ मोठ्या प्रमाणावर आहे. शहर-जिल्ह्यातील सार्वजनिक मंडळे आणि तरुण हे साहित्य खरेदीसाठी भद्रकाली मार्केटमध्ये गर्दी करीत आहेत.
तरुणांकडून या वस्तू विशेषत: मोठमोठे झेंडे खरेदीकडे विशेष आकर्षण दिसत आहे. त्याचप्रमाणे जय भीम लिहिलेली रिबीन, कागदी, कापडी, प्लास्टिक पताका, आकाशकंदील, काठ्या यांचीही मागणी वाढली आहे.
लहान-मोठे झेंडे, डॉ. आंबेडकरांची प्रतिमा असलेले झेंडे यांना अधिक मागणी आहे. रस्ते, चौक आदी ठिकठिकाणी झेंडे, पताका, कमानी उभारण्यासह विविध तयारीस वेग आला आहे.
विविध कार्यक्रम
जयंतीनिमित्त शहरात विविध कार्यक्रम होणार आहेत. विविध मंडळे, राजकीय पक्ष यांनी कार्यक्रम आयोजित केले आहेत.
विविध साहित्याचे असे दर
साहित्य दर
स्टिकर -10 ते 20 रुपये
रिबीन – 30 रुपये बंडल
झेंडे – 20 ते 950
बॅज – 10 ते 40
पताका कागदी – 20 रुपये पाकीट
पताका कापडी – 40 रुपये पाकीट
पताका प्लास्टिक – 60 रुपये पाकीट
टोपी – 10 ते 40 रुपये
फेटा – 100 ते 550 रुपये
मफलर – 20 ते 70 रुपये
चमकी -150 रुपये बंडल
आकाशकंदील – 60 ते 450 रुपये
तोरण
शिका, संघटित व्हा! पडदा – 60 ते 250 रुपये
10 फुटी ः 650 रुपये
Dr. Babasaheb Ambedkar Jayanti today