नाशिकरोड : प्रतिनिधी
त्रंबकेश्वर येथून शिर्डीला जाणाऱ्या बसमधील बॅटरीच्या वायरचा शॉर्टसर्किट झाल्याने अचान बसच्या काही भागातून धूर निघू लागला. बस पेट घेणार समजताच बस चालकाने सतर्कता दाखवत तातडीने बस थांबवत प्रसंगावधान राखून बसमधील प्रवाशांना खाली उतरविले. त्याचवेळी पाठीमागूनच शहर वाहतुकीचे पोलीस येत होते त्यांनीही तातडीने मदत करून बस मधील प्रवाशांना उतरवले व त्यामुळे मोठी दुर्घटना टळली अन्यथा नाशिक शहरात पुन्हा एक मोठे बस अग्नी कांड झाले असते.
याबाबत माहिती अशी की, त्र्यंबकेश्वर वरून शिर्डी कडे एम एच 14 बी टी 41 17 या क्रमांकाची बस जात होती सदरची बस नाशिक पुणे महामार्गावर असलेल्या उपनगर नाक्याजवळ येताच बसच्या बॅटरी मधील वायर लीग झाली व त्यानंतर मोठ्या प्रमाणात धूर निघू लागला सदरची घटना काही क्षणातच बस चालकाला कळली त्यानंतर बस चालकाने तातडीने बस थांबविली तसेच पाठीमागून शहर वाहतुकीचे पोलीस निरीक्षक दिनकर कदम हे सुद्धा आपल्या वाहनाने येत होते त्यांना ही गाडी घटना समजतात त्यांनी तातडीने आपल्या सहकार्यासमवेत बसमधील प्रवाशांना खाली उतरविले त्यानंतर लगेच पाण्याच्या बंबाला पाचारण केले व संपूर्ण बस मध्ये व बाहेर धूर निघत असताना पाण्याचा मारा करून सदर बस ची आग विझविली त्यामुळे एक मोठी दुर्घटना टळली.
नाशकात यापुर्वी आग दुर्घटना
या अगोदर काही महिन्यापूर्वी हॉटेल मिरची जवळ खाजगी बस पेटून लागलेल्या आगीत तेरा प्रवासी मृत्युमुखी झाले होते . दा प्रवासी का मृत्युमुखी पडले होते. तसेच नाशिक पुणे महामार्गावर पळसे येथे सुद्धा महामंडळाची बस पेटून दोन चाकी चालक जळून ठार झाले होते. या दोन्ही घटना ताज्या असतानाच ही मोठी घटना होता होता टळली. सतर्कतेमुळे प्रवाशांचे प्राण वाचल्याने चालकाचे कौतुक केले जात आहे. या घटनेनंतर सदर ठिकाणी नागरिकांची मोठी गर्दी झाली होती.