नाशिकमे फॉग चल रहा है..!

नाशिक : प्रतिनिधी
शहरात गेल्या दोन दिवसांपासून काय चाललय असा प्रश्‍न पडला असेल तर त्याच उत्तर आहे. फॉग चल रहा है. उत्तरेकडून येणार्‍या शितलहरीचा परिणाम म्हणून मागील दोन दिवसापासून थंडीचा कडाका वाढला आहे. थंडी वाढल्यामुळे वातावरणात दिवसभर गारठा जाणवत आहे. त्यात थंडीसह दाट धुके पडत असल्याने गारवा अधिक जाणवत आहे. धुक्यामुळे सुर्य दर्शन लवकर होत नसल्याचे चित्र आहे. सकाळ आणि संध्याकाळच्यावेळी पडत असलेल्या दाट धुक्यामुळे वाहनधारकांना वाहने सावकाश चालवावी लागत आहे. धुक्यामुळे वाहनाचा अंदाज न आल्याने अपघातांची शक्यता असल्याने सकाळ आणि संध्याकाळच्या वेळी वाहतूक मंदावत आहे. तर जॉगिगसाठी बाहेर पडणारे नागरिक मात्र गुलाबी थंडीचा आनंद घेत आहेत. सकाळच्यावेळी कडाक्याच्या थंडीपासून बचावासाठी शेकोट्या पेटत आहेत.

नाशिक शहरात दरवर्षीच हिवाळ्यात दाट धुके पडते. धुक्यामुळे थंडीचा प्रभाव कमी होतो. मात्र यंदा शितलहरी असल्याने धुके पडले तरी थंडी जाणवत आहे. शहरातील नागरिक कडाक्याच्या थंडीचा आणि धुक्याचा आनंद घेत असले तरी ग्रामीण भागात मात्र शेती पिकांना धुक्यामुळे नुकसान होणार तर रबी पिकांसाठी थंडी पोषक ठरत असते.

गोदाघाटावर मात्र थंडी आणि धुक्यामुळे मनमोहक वातावरण आहे. थंडीमुळे सकाळी आणि संध्याकाळी गोदाकाठी नागरिकांची वर्दळ कमी असल्याने निरव शांतता जाणवत आहे.

शहरातील किमान आणि कमाल तापमान

1 जानेवारी 10.0 30.7
2 जानेवारी 10.2 30.2
3 जानेवारी 10.6 30.4
4 जानेवारी 13.2 24.7
5 जानेवारी 13.2 25.7
6 जानेवारी 17. 27

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.