अहो आश्चर्यम ! भिंतीत १० कोटींची रोकड , १९ किलो चांदीच्या विटा कुठे घडली घटना ?

मुंबई : प्रतिनिधी मुंबईच्या झवेरी बाजारातील मेसर्स चामुंडा बुलीयन या कंपनीची उलाढाल वर्ष २०१९ -२० मध्ये २२.८३ कोटी रुपयांवरून वर्ष २०२०- २१ मध्ये ६५२ कोटी आणि वर्ष २०२१-२२ मध्ये १७६४ कोटी रुपयांपर्यंत संशयास्पद वाढल्याचे राज्य जीएसटी विभागाच्या विश्लेषणात लक्षात आल्यानंतर जीएसटी विभागाने छाप्यात कंपनीच्या अनेक शाखांची नोंदणी आढळून आली नाही . कंपनीच्या ३५ चौरस मीटरच्या एका छोट्या जागेत जीएसटी विभागाला भिंतीत लपवून ठेवलेली ९ कोटी ७८ लाखांची रोकड आणि १३ लाख रुपये किमतीच्या १ ९ लाख किलो चांदीच्या विटा आढळून आल्या . राज्य जीएसटी विभागाने सदर जागा सीलबंद केली असून , प्राप्तिकर विभागालाही या घटनेची माहिती देण्यात आली आहे .

प्राप्तिकर विभागाने सदर रक्कम आणि मालमत्तेचा स्त्रोत शोधण्यास सुरुवात केली आहे . राज्य जीएसटी विभागाने गेल्या काही महिन्यापासून जीएसटी चोरी शोधणे आणि कारवाईची मोहिम तीव्र केली असून , हजारो कोटींची जीएसटी चोरी शोधण्यात यश मिळविले आहे . राज्य करविभागाचे सहआयुक्त राहुल द्विवेदी , उपायुक्त विनोद देसाई यांच्या नेतृत्व आणि मार्गदर्शनाखाली ही कारवाई करण्यात आली आहे . जीएसटी चोरीविरुद्धची कारवाई या पुढच्या काळात अधिक तीव्र करण्यात येणार असल्याचे राज्य कर विभागातर्फे स्पष्ट करण्यात आले आहे .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.