ट्रक चालकाचा हृदयविकाराने मृत्यू

ट्रक चालकाचा हृदय विकाराने मृत्यू

लासलगाव : समीर पठाण

विष्णुनगर विंचूर येथे कांदे भरण्यासाठी आलेल्या ट्रक चालकाचा हृदय विकाराने मृत्यू झाल्याची घटना शुक्रवारी घडली असल्याची माहिती लासलगाव पोलिस ठाण्याचे स पो नि राहुल वाघ दिली असून या प्रकरणी लासलगाव पोलिस ठाण्यात अकस्मात मृत्यूची नोंद करण्यात आली आहे

या बाबत पोलिस सूत्रांकडून मिळालेल्या माहितीनुसार मयत ट्रकचालक मुसबिर रहेमान नुरसेद अली वय ४८ रा.भगवान गोला मदिशा संभाली जिल्हा मुर्शिदाबाद राज्य पश्चिम बंगाल हे विष्णुनगर विंचूर येथे असलेल्या विकास ट्रेडिंग कंपनी या कांद्याच्या खळ्यावरून कांदा वाहतुकीचे भाडे मिळाल्याने कांदे भरण्यासाठी आले होते.ट्रक मध्ये कांदे भरल्यानंतर ट्रकच्या ताडपत्री ला दोरीने बांधत असताना मयत यांच्या छातीत दुखू लागल्याने त्यांच्या सोबत असलेल्या सहकाऱ्यांनी त्यांना निफाड येथील उपजिल्हा रुग्णालय येथे दाखल केले केल्यावर तेथील डॉक्टरांनी त्यांना तपासून मयत घोषित केले.या प्रकरणी लासलगाव पोलिस ठाण्यात अकस्मात मृत्यूची नोंद करण्यात आली असून पुढील तपास पोलीस कर्मचारी करत आहे