खरातने पीडितेला गर्भपाताची औषधे दिल्याचे उघड

नाशिक :
अशोक खरात प्रकरणात एसआयटीकडून तीन ते चार डॉक्टरांची चौकशी झाल्याची सूत्रांची माहिती आहे. नाशिकमधल्या बड्या डॉक्टरची चौकशी झाल्याची माहिती समोर आली आहे. महिलांना गर्भपाताच्या गोळ्या देणार्‍या डॉक्टरांची एसआयटीकडून चौकशी झाली.
यावेळी अशोक खरातने याच डॉक्टरांकडून सल्ला घेऊन ओशनो जलच्या नावाखाली गुंगी येणार्‍या औषधे, वेदनाशामक गोळ्या महिलांना दिल्याची माहिती समोर आली आहे. अशोक खरातने एका महिलेवर लैंगिक अत्याचार केल्याने गर्भवती राहिलेल्या महिलेला ओकस कार्यालयामध्ये अशोक खरातने गर्भपाताच्या गोळ्या दिल्या होत्या.
पूजाविधीच्या बहाण्याने तसेच लग्नाचे आमिष दाखवून घटस्फोटित महिलेवर अत्याचार करून तिचा गर्भपात केल्याप्रकरणी सरकारवाडा पोलिसांत गुन्हा दाखल करण्यात आला आहे. तांब्याच्या भांड्यातील पाणी पाजून अत्याचार केले. महिला प्रेग्नंट राहिल्याने अशोक खरातने गर्भपातच्या गोळ्या खाऊ घालून महिलेचा गर्भपात केल्यानंतर गुन्हा दाखल करण्यात आला आहे.
खरातच्या मोबाईलमधून डेटा जप्त करण्यात आला असून, महत्त्वाचे पुरावे हाती लागले आहेत. अशोक खरातने चार वर्षांत सुमारे 70 कोटींची प्रॉपर्टी खरेदी केली आहे. नाशिक, पुणे, अहिल्यानगरमध्ये अशोक खरातने मोठी गुंतवणूक केली आहे. अनेक व्यवहारांमध्ये पार्टनर म्हणून इतरांची नावे आहेत. अशोक खरातने रोखीनेच बहुतांश पेमेंट केल्याचे उघड झाले आहे. नाशिकमधील बंगला आणि ऑफिसचे काम केलेल्या कामगारांना सुमारे 25 लाख रोख दिल्याचे तपासात उघड झाले आहे.

It is revealed that Kharat gave abortion pills to the victim.