किम्स हॉस्पिटलचा मानवता एचसीजीबरोबर सामंजस्य करार

नाशिक ः प्रतिनिधी
कृष्णा इन्स्टिट्यूट ऑफ मेडिकल सायन्सेस (एनएसइ किम्स)ने मानवता हेल्थकेअरचे संचालक डॉ. राज नगरकर यांच्यासोबत 325 खाटांची क्षमता असलेले किम्स-मानवता मल्टिस्पेशालिटी हॉस्पिटल्स स्थापन करण्यासाठी नुकताच सामंजस्य करार करण्यात आला.
डॉ. राज नगरकर यांच्या एच.सी.जी. मानवता क्युरी हॉस्पिटलच्या पंधराव्या वर्धापनदिनाचे औचित्य साधून डॉ.राज नगरकर यांचे वडील वसंतराव नगरकर यांच्या जन्मदिनानिमित्त नवीन हॉस्पिटलची घोषणा करण्यात आली. परवडणार्‍या दरात मल्टिस्पेशालिटी हॉस्पिटल नाशिकमध्ये साकारत असल्याने रुग्णांची होणारी धावपळ, विविध योजनेअंतर्गत मिळणार्‍या सवलती आदींचा अंतर्भाव या मल्टिस्पेशालिटी हॉस्पिटलमध्ये घेता येणार असल्याचे किम हॉस्पिटलचे मॅनेजिंग डायरेक्टर डॉ. भास्कर राव यांनी सांगितले.
कृष्णा इन्स्टिट्यूट ऑफ मेडिकल सायन्सेस (किम्स) हा आंध्र प्रदेश आणि तेलंगणामधील सर्वांत मोठा कॉर्पोरेट आरोग्य सेवा समूह आहे. नवीन रुग्णालय मार्च 24 पर्यंत रुग्णांसाठी उपलब्ध होण्याची शक्यता आहे, असे सांगितले.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.