सिडको : पंचवटी पोलीस ठाण्याच्या हद्दीतील टाळकुटेश्वर पुलाजवळील अमरधाम परिसरात भंडार्‍याचे भांडे का धुतले नाही, असे किरकोळ कारण काढून एका 26 वर्षीय मजुरावर चार जणांनी एकत्र येत लाथाबुक्क्यांनी मारहाण केली. यामध्ये एका आरोपीने धारदार हत्याराने कपाळ व गालावर वार करत जखमी केले. याप्रकरणी पंचवटी पोलिस ठाण्यात गुन्हा दाखल करण्यात आला आहे. या घटनेनेतील फिर्यादी कृष्णा विजय पवार (वय 26, रा. मीरा दातार दर्ग्यासमोर, शिवाजी चौक, जुने नाशिक) यांनी दिलेल्या फिर्यादीनुसार तक्रारदार कृष्णा पवार आणि त्याचा मित्र वरुण भागवत हे दोघे टाळकुटेश्वर मंदिरालगत असलेल्या पुलाच्या खाली पायर्‍या उतरून बसले असताना, त्यांच्याच ओळखीचे अनिकेत आमले, आदित्य आमले, अभिजित आमले आणि श्रवण गावित हे तेथे आले. भंडार्‍याच्या कार्यक्रमाचे भांडे का घासले नाही? या कारणावरून त्यांनी फिर्यादीस शिवीगाळ करत हाताने, लाथाबुक्क्यांनी मारहाण केली. यावेळी श्रवण गावितने हातातील धारदार वस्तूने कृष्णा पवारच्या कपाळावर व गालावर वार करत जखमी केले. गंभीर जखमी झाल्याने त्यास तातडीने रुग्णालयात दाखल करण्यात आले. या घटनेची माहिती मिळताच पंचवटी पोलीस तत्काळ घटनास्थळी दाखल होत जखमीला उपचारासाठी जिल्हा शासकीय रुग्णालयात दाखल करण्यात आले. याप्रकरणी पंचवटी पोलीस ठाण्यात गुन्हा दाखल करण्यात आला आहे. दरम्यान, याप्रकरणी पुढील तपास वरिष्ठ पोलीस निरीक्षक कड यांच्या मार्गदर्शनाखाली पोलीस उपनिरीक्षक पंकज सोनवणे व एस. एस. बाविस्कर करीत आहेत.
मुंबई: विधिमंडळात ऑनलाईन रमी खेळल्यामुळे वादाच्या भोवऱ्यात अडकलेलं कृषिमंत्री माणिकराव कोकाटे यांच्या खात्यात बदल करण्यात…
मालेगाव बॉम्बस्फोटातील पीडित परिवार जाणार सुप्रीम कोर्टात मनमाड : आमिन शेख गेल्या सतरा वर्षांपासून न्यायच्या…
नाशिक: प्रतिनिधी संपूर्ण राज्यात गाजलेल्या मालेगाव बॉम्बस्फोट खटल्याचा निकाल आज जाहीर करण्यात आला. न्या, ए…
नाशिक:प्रतिनिधी जिल्हा परिषदेच्या मुख्य कार्यकारी अधिकारी आशिमा मित्तल यांची, जालना येथे जिल्हाधिकारी म्हणून बदली करण्यात…
भिकाऱ्याकडे साडेसात कोटींची संपत्ती! मुंबईत दोन मोठे फ्लॅट, ठाण्यात दुकानांसह बरंच काही शहापूर : साजिद…
भारतीय परंपरेतील प्रत्येकाच्या जीवनातील एक महत्त्वाचा संस्कार आहे विवाह. हे प्रत्येकाच्या आयुष्यातील एक महत्त्वाचे वळणच…