मुकेश अंबानींचा रिलायन्स जिओच्या संचालकपदाचा राजीनामा

मुंबई : रिलायन्स उद्योग समूहाचे प्रमुख मुकेश अंबानी यांनी मोठा निर्णय घेतला आहे . मुकेश अंबानी यांनी रिलायन्स जिओच्या संचालकपदाचा राजीनामा दिला आहे . मंगळवारी ( २८ जून ) रिलायन्स उद्योग समूहाकडून या निर्णयाची घोषणा करण्यात आली . यानुसार आता रिलायन्स जिओच्या प्रमुखपदी मुकेश अंबानी यांचा मुलगा आकाश अंबानी यांची नियुक्ती करण्यात आली आहे . रिलायन्स संचालक मंडळाने आकाश अंबानी यांच्याशिवाय इतरही काही नियुक्तीचे निर्णय घेतले आहेत . यानुसार , पंकज मोहन पवार यांची व्यवस्थापकीय संचालकपदी नियुक्ती झाली . ही नियुक्ती ५ वर्षांसाठी आहे . रमिंदर सिंग गुजराल व के . व्ही . चौधरी यांची स्वतंत्र संचालक म्हणून नियुक्ती करण्यात आली .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.