लासलगाव

देवगावला बकरी व्यापाऱ्याचा खून

देवगावला बकरी व्यापाऱ्याचा  खून

लासलगांव  प्रतिनिधी

अहमदनगर जिल्ह्यातील कोपरगाव तालुक्यातील मंजूर येथील बकऱ्या खरेदी करणाऱ्या व्यापाऱ्याचा निफाड तालुक्यातील देवगाव येथे पाय बांधून धारदार तिक्ष्ण हत्याराने गळा चिरून खून करण्यात आल्याची घटना गुरुवारी दुपारी घडली असून यासंदर्भात लासलगाव पोलीस कार्यालयात गुन्हा दाखल करण्यात आला आहे. यासंदर्भात कौतिक अलाउद्दीन खाटीक रा. मंजूर यांनी लासलगाव पोलीस कार्यालयात दिलेल्या फिर्यादीत म्हटले आहे की त्यांचे वडील अलाउद्दीन शमशुल भाई खाटीक (५३) हे बकऱ्यांची रक्कम देण्यासाठी १२ लाख रुपये घेऊन गुरुवारी सकाळी दुचाकीवर घराबाहेर पडले होते त्यानंतर वडिलांची पंचाळे ता. सिन्नर येथे भेट झाली होती. त्यानंतर ते सायखेडा येथे जाणार असल्याचे त्यांनी सांगितले होते मात्र ते नैताळे ता. निफाड येथे गेल्याचे फोनवर समजले होते. त्यानंतर पुन्हा वडिलांशी मुलाने संपर्क साधण्याचा प्रयत्न केला असता त्यांचा फोन बंद आला व मुलगा घरी पोहोचल्यावर त्याने नातेवाईकांकडे वडिलां बाबत चौकशी केली असता वडील घरी अथवा कुठल्याच नातेवाईकाकडे गेले नव्हते. त्यानंतर धामोरी येथील नातेवाईकांनी फोन करून निफाड तालुक्यातील देवगाव येथे मृतदेह सापडला असून जवळ ओळख पत्र असून त्यावर अल्लाउद्दीन खाटीक नाव असल्याचे सांगितले. ही माहिती मिळताच ठिकाणी गेलो असता वडील पालथ्या स्थितीमध्ये पडलेले पाय दोरीने बांधले व गळा समोरील बाजूने कापलेला होता. जवळच वडिलांची मोटरसायकल लावलेली होती .मोटरसायकलवर नायलॉन ची पिशवी होती परंतु त्यामध्ये ठेवलेले रक्कम मिळाली नाही. अज्ञात कोणीतरी व्यक्तीने वडिलांचा खून करून जीवे ठार मारल्याचे नमुद केले आहे. घटनेची माहिती मिळताच पोलिस अधीक्षक सचिन पाटील यांच्या मार्गदर्शनाखाली अप्पर पोलीस अधीक्षक माधुरी कांगणे उपविभागीय पोलिस अधिकारी सोमनाथ तांबे, स्थानिक गुन्हे शाखेचे पोलिस निरीक्षक हेमंत पाटील, लासलगावचे सहाय्यक पोलीस निरीक्षक राहुल वाघ यांच्यासह पोलीस कर्मचारी घटनास्थळी दाखल झाले व पंचनामा करून लासलगाव पोलीस कार्यालयात या संदर्भात खुनाचा गुन्हा दाखल करण्यात आला आहे. बकरे व्यापारी असलेल्या व्यक्तीचा खुन पैशाच्या कारणासाठी केला गेला की अन्य कोणत्या कारणा साठी करण्यात आला हे शोधण्याचे आव्हान पोलिसांपुढे असणार आहे.

Bhagwat Udavant

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.

Recent Posts

विंचूरसह परिसरातील वाढती गुन्हेगारी चिंताजनक

अवैध व्यवसायांसह खून, लहान-मोठ्या चोर्‍यांची मालिका सुरूच विंचूर : संदीप शिरसाठ विंचूर ऐतिहासिक परंपरा लाभलेले…

9 hours ago

गोंदेश्वर मंदिराच्या दानकर्त्याचे शिल्प प्रकाशझोतात

प्रा. जावेद शेख यांचा संशोधनातून महत्त्वपूर्ण शोध सिन्नर : वार्ताहर ऐतिहासिक व स्थापत्यवैभवासाठी ओळखल्या जाणार्‍या…

9 hours ago

दारू दुकान हटविण्यासाठी महिलांचा रास्ता रोको

अपघाती मृत्यूनंतर चांदवडमध्ये जनक्षोभ चांदवड : वार्ताहर येथील गणूर रोडवरील फुलेनगर भागात मंगळवारी (दि. 24)…

9 hours ago

मनमाडमध्ये स्वच्छतेचा केवळ देखावा; राष्ट्रवादीची टीका

मनमाड : अमिन शेख मनमाड नगरपालिकेचे नगराध्यक्ष योगेश पाटील यांच्याकडून सध्या शहरात राबविली जाणारी स्वच्छता…

10 hours ago

मनपा हद्दीत 16 ग्रामपंचायतींच्या कचर्‍याचा बोजा?

व्यवस्था कोलमडणार; महासभेवर लवकरच प्रस्ताव? नाशिक : प्रतिनिधी नाशिक महापालिकेला आपल्याच कचर्‍याचे वर्गीकरण करण्यात अपयश…

10 hours ago

लक्ष्मी वेंकटेश मंदिर सायखेडा येथे ब्रह्मोत्सवात रंग-भक्तीचा संगम

पालखी सोहळ्याने सायखेडा भक्तिमय नाशिक : प्रतिनिधी सायखेडा येथे बालाजी भगवान संस्था यांच्या प्राचीन परंपरेनुसार…

10 hours ago