नाशिक बार असोसिएशन निवडणुकीत ११ अर्ज बाद

नाशिक : वार्ताहर

नाशिक बार असोसिएशनच्या निवडणुकीसाठी अर्जांची छाननी केल्यानंतर ११ उमेदवारांचे अर्ज बाद करण्यात आले आहेत . उर्वरीत ५३ उमेदवारांची यादी तयार करण्यात आली आहे . येत्या दोन दिवसांत उमेदवारांना अर्ज माघारी घेण्याची मुदत राहणार आहे . निवडणुकीसाठी 64 उमेदवारांनीच अर्ज दाखल केले होते . दोन दिवस अर्जांची छाननी करण्यात आली . त्यात अकरा उमेदवारांचे अर्ज बाद करण्यात आले . वैध अर्जांमध्येअध्यक्षपदासाठी अॅड . नितीन ठाकरे , ॲड . महेश आहेर , अॅड . दिलीप वनारसे व अॅड . अलका शेळके यांचे अर्ज वैध ठरले आहेत . तर उपाध्यक्षपदासाठी प्रकाश आहुजा , वैभव शेटे , सुरेश निफाडे , शरद गायधनी व बाळासाहेब आडके या वकिलांचे अर्ज वैध ठरले . तीन सदस्य जागांसाठी १७ अर्ज , महिला सदस्यपदासाठी पाच व सात वर्षांच्या आतील प्रॅक्टिस असलेल्या सदस्यपदासाठी दोन अर्ज वैध ठरले . सोमवारी ( दि . २५ ) उमेदवारांना अर्ज माघारी घेण्याची मुदत राहणार आहे .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.