दुचाकी वाहनांसाठी सोमवारपासून आरटीओत नवीन मालिका

पंचवटी : प्रतिनिधी
प्रादेशिक परिवहन कार्यालय, नाशिक येथे दुचाकी वाहनांसाठी (एमएच 15-एलडी) ही नवीन मालिका सोमवार(दि. 23 नोव्हेंबर)पासून सुरू करण्यात येत आहे, अशी माहिती सहाय्यक
प्रादेशिक परिवहन अधिकारी सचिन बोधले यांनी दिली. आकर्षक पसंतीच्या नोंदणी क्रमांकासाठीचे विहित नमुन्यातील अर्ज 23 नोव्हेंबर 2026 रोजी सकाळी 10.30 ते 2.30 वाजेपर्यंत या कार्यालयाच्या आवक-जावक कक्ष क्रमांक विभागात जमा करणे अनिवार्य राहील. एकदा राखून ठेवलेला पसंती क्रमांक कोणत्याही परिस्थितीत बदलून किंवा रद्द करता येणार नाही. राखून ठेवलेला पसंती क्रमांक कोणत्याही परिस्थितीत दुसर्‍या व्यक्ती/संस्थेच्या नावे हस्तांतरित होणार नाही. भरलेले शासकीय शुल्क कुठल्याही परिस्थितीत परत केले जाणार नाही. एकाच क्रमांकासाठी एकापेक्षा अधिक अर्ज आल्यास अशा आकर्षक क्रमांकांची यादी कार्यालयातील नोटीस बोर्डावर त्याच दिवशी प्रदर्शित करण्यात येईल. ज्या अर्जदारांचा आकर्षक क्रमांक लिलाव प्रक्रियेसाठी समाविष्ट असेल, अशा अर्जदारांनी लिलावात भाग घेण्यासाठी दि. 25 नोव्हेंबर रोजी दुपारी 4 पर्यंत पसंतीच्या नोंदणी क्रमांकासाठी कोणत्याही बोलीच्या रकमेचा एकच डिमांड ड्राफ्ट बंद लिफाफ्यात सादर करावा.

New series for two-wheelers to begin at the RTO from Monday

Leave a Reply

Your email address will not be published. Required fields are marked *